Next
‘पेटीएम’ची ‘झोमॅटो’सह भागीदारी
प्रेस रिलीज
Monday, January 21, 2019 | 05:11 PM
15 0 0
Share this article:

मुंबई : पेटीएम या डिजिटल पेमेंट कंपनीची मालकी असलेल्या ‘वन९७ कम्युनिकेशन्स लिमिटेड’ने ‘झोमॅटो’शी भागीदारी करत असल्याचे जाहीर केले असून, त्यांच्या मोबाइल अॅपच्या माध्यमातून फूड आणि डिलिव्हरी ऑर्डर करता येणार आहे. या मुळे यूझर्स आता आपल्या पेटीएम अॅपमधून आपले आवडते रेस्टोरंट शोधून तत्काळ खाद्यपदार्थ मागवू शकतील. ही सेवा सध्या दिल्ली-एनसीआरच्या ग्राहकांसाठी पेटीएम अँड्रॉइड अॅपवर उपलब्ध असून, लवकरच ती संपूर्ण देशात आणि पेटीएम आयओएस अॅपवरदेखील उपलब्ध होईल.

टियर टू आणि टियर थ्री शहरांत ‘पेटीएम’चा मोठा यूझरबेस आहे, जो आपल्या विविध प्रकारच्या दैनंदिन पेमेंटसाठी या सेवा वापरतो. ही नवी सेवा दाखल करून ‘पेटीएम’ने आपल्या ग्राहकांना ऑनलाइन फूड ऑर्डरिंगची सुविधा दिली आहे, ज्याच्यामुळे त्यांच्या विशाल यूझर-बेसद्वारा या सुविधेचा अंगिकार होऊन कंपनीच्या वृद्धीस हातभार लागेल.

‘पेटीएम’च्या उपाध्यक्ष रेणू सत्ती म्हणाल्या, ‘झोमॅटोसह भागीदारीच्या मदतीने आमच्या अॅपवरून ऑनलाइन फूड ऑर्डरकरण्याची सोय झाली आहे. आमच्या ग्राहकांपैकी मोठ्या प्रमाणातील ग्राहक हे टियर टू आणि टियर थ्री शहरांतील आहेत. आम्हाला विश्वास आहे, की या सहयोगानंतर ऑनलाइन फूड ऑर्डरिंगमधील वाढ आम्ही आणखी जोमाने पुढे नेऊ. आमच्या ग्राहकांना सर्व प्रकारची सेवा देण्याच्या आमच्या प्रयासातील हे एक महत्त्वाचे पाऊल आहे. आम्ही या दिशेने आमचे प्रयत्न सदैव सुरू ठेवू.’

‘झोमॅटो फूड डिलिव्हरी’चे मुख्य कार्यकारी अधिकारी मोहित गुप्ता म्हणाले, ‘पेटीएम हा सर्वाधिक लोकप्रिय पेमेंट मंच आहे, ज्यांची पोहोच देशाच्या कान्या-कोपऱ्यापर्यंत आहे. त्यांच्याशी भागीदारी करून आमची ऑनलाइन फूड डिलिव्हरी सेवा त्यांच्या मोबाइल अॅपशी जोडण्यास आम्ही उत्सुक आहोत. यामुळे आम्ही आणखी मोठ्या यूझर-बेसपर्यंत पोहोचू शकू आणि ‘झोमॅटो’वरून ऑर्डर करण्याचा एकंदर अनुभव अधिक चांगला करू शकू.’

या सहयोगामुळे ऑनलाइन आणि ऑफलाइन खाद्यपदार्थ खरेदी करण्यासाठी सुलभ मोबाइल पेमेंट सक्षम करण्याच्या ‘पेटीएम’च्या मोहिमेस आणखी बळकटी येईल, असा विश्वास व्यक्त करण्यात आला.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search