Next
साहित्य परिषदेत संत सावता माळी यांचे पुण्यस्मरण
BOI
Friday, August 02, 2019 | 06:25 PM
15 0 0
Share this article:

पुणे : ‘ज्ञानेश्वर माऊली, ज्ञानराज माऊली तुकाराम... पुंडलिक वरदा हरी विठ्ठल.. श्री ज्ञानदेव तुकाराम..’, असा गजर करत निघालेली दिंडी, टाळ, मृदूंग आणि चिपळ्यांचा नाद याने भारावलेले माधवराव पटवर्धन सभागृह, अशा वातावरणात संत सावता महाराजांचे चरित्रकथन आणि अभंग गायनातून संत सावता माळी यांना महाराष्ट्र साहित्य परिषदेत अभिवादन करण्यात आले. 

निमित्त होते संत सावता माळी यांच्या पुण्यतिथीचे. त्यांच्या चरित्रकथन व अभंग गायनाचा कार्यक्रम वैष्णवी भजनी मंडळातील शोभा कुलकर्णी, स्मिता पिंपळे, मीनाक्षी केळकर, कल्याणी सराफ, मधुरा खिरे, सुजाता कुकडे, राखी भुतडा, आशा संत यांनी सादर केला. संहिता लेखन शोभना कुलकर्णी यांचे होते. त्यांना शिवाजी पाळंदे, माधव खिरे आणि अविनाश असलेकर यांनी पेटी व तबल्याची साथ दिली. या वेळी महाराष्ट्र साहित्य परिषदेचे कार्याध्यक्ष प्रा. मिलिंद जोशी, कोषाध्यक्ष सुनिताराजे पवार, सामाजिक कार्यकर्ते रवी चौधरी उपस्थित होते. 

या वेळी बोलताना प्रा. जोशी म्हणाले, ‘जात, धर्म, पंथ हे समाजातील सारे भेद नष्ट करून संतांनी अध्यात्माचे लोकशाहीकरण केले. हे त्यांचे कार्य क्रांतिकारी आहे. प्रपंच आणि परमार्थ, अंतरंग आणि बाह्यरंग, लौकिक आणि अलौकिक यांना एकत्र गुंफून मानवी जीवनाला आणि समाजाला सुंदरतेकडे नेणारे विचार संतांनी दिले. आपण करत असलेले प्रत्येक कार्य मनापासून केले, तर त्या कार्यातच परमेश्वर भेटू शकतो, हे सावता महाराजांनी दाखवून दिले. संत साहित्यात केवळ अध्यात्म, परमार्थ आणि निवृत्तीचाच विचार नाही, तर त्यात प्रवृत्तीचा विचार आहे.’ 

सुनिताराजे पवार यांनी आभार मानले. दीपक करंदीकर यांनी सूत्रसंचालन केले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search