Next
‘‘पीएमआरडीए’च्या माध्यमातून शाश्वत विकासाचे नियोजन’
पालकमंत्री चंद्रकांत पाटील यांची माहिती
प्रेस रिलीज
Friday, July 05, 2019 | 04:07 PM
15 0 0
Share this article:


पुणे : ‘पुणे महानगर प्रदेश विकास प्राधिकरणाच्या माध्यमातून (पीएमआरडीए) या परिसराच्या शाश्‍वत विकासाचे नियोजन करण्यात आले आहे. या भागातील नागरिकांना दर्जेदार पायाभूत नागरी सुविधा देण्यावर भर दिला आहे. ‘रिंगरोड’, ‘मेट्रो’, ‘टीपी स्कीम’ या प्रकल्पांमुळे महानगर क्षेत्राच्या विकासाचा वेग वाढणार आहे,’ अशी माहिती महसूल, सार्वजनिक बांधकाममंत्री तथा पालकमंत्री चंद्रकांत पाटील यांनी दिली. 

‘पीएमआरडीए’ बैठक आज (पाच जुलै) पालकमंत्री पाटील यांच्या अध्यक्षतेखाली आकुर्डी येथील प्राधिकरणाच्या कार्यालयात झाली. त्या वेळी ते बोलत होते. या वेळी पिंपरी-चिंचवड नवनगर विकास प्राधिकरणाचे अध्यक्ष सदाशिव खाडे, राज्यस्तरीय लेखा समितीचे अध्यक्ष सचिन पटवर्धन, साहित्यरत्न लोकशाहीर अण्णा भाऊ साठे विकास महामंडळाचे अध्यक्ष अमित गोरखे, आमदार महेश लांडगे, आमदार लक्ष्मण जगताप, आमदार बाबुराव पाचरणे, जिल्हाधिकारी नवलकिशोर राम, पिंपरी-चिंचवड महापालिकेचे आयुक्त श्रावण हर्डीकर, ‘पीएमआरडीए’चे महानगर आयुक्त विक्रम कुमार, पिंपरी-चिंचवड नवनगर प्राधिकरणाचे मुख्य कार्यकारी अधिकारी प्रमोद यादव आदी उपस्थित होते.

पाटील म्हणाले, ‘पुणे मेट्रोसोबतच, वाहतूक कोंडी सोडविण्यासाठी ‘पीएमआरडीए’ने ‘रिंगरोड’चे काम हाती घेतले आहे. मुंबई आणि पुणे महानगर यामधील प्रवासासाठी लागणारा वेळ ‘हायपर लूप’ या आधुनिक वाहतूक व्यवस्थेमुळे कमी होणार आहे. या प्रकल्पांची कामे विहित कालावधीत पूर्ण करणे आवश्यक आहे.’

यावेळी पीएमआरडीएच्या माध्यमातून सुरू असलेली विविध विकासकामे व प्रकल्पाबाबत ‘पीएमआरडीए’चे महानगर आयुक्त विक्रम कुमार यांनी माहिती दिली.  
 
पिंपरी-चिंचवड नवनगर विकास प्राधिकरण कामकाजाही आढावा
पिंपरी-चिंचवड नवनगर विकास प्राधिकरणाच्या कामकाजाबाबत आकुर्डी येथे झालेल्या बैठकीत पाटील यांनी नवनगर उभारणीसाठी जमीन संपादन, संपादित केलेल्या जमिनीचा नियोजनबद्ध व सर्वांगीण विकासाबाबत सविस्तर चर्चा केली.

पिंपरी-चिंचवड नवनगर विकास प्राधिकरणाच्या माध्यमातून सुरू असलेल्या कामाबाबत अध्यक्ष खाडे यांनी, तर प्रकल्पांच्या स्थितीबाबत मुख्य कार्यकारी अधिकारी यादव यांनी सविस्तर माहिती दिली. प्राधिकरणाच्या माध्यमातून सुरू असलेल्या कामाबाबत पालकमंत्री पाटील यांनी समाधान व्यक्त केले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search