Next
‘सूर नवा ध्यास नवा’च्या ऑडिशन्सला पुणेकरांचा प्रतिसाद
प्रेस रिलीज
Monday, July 09, 2018 | 05:20 PM
15 0 0
Share this article:

मुंबई : ‘कलर्स मराठी’वरील ‘सूर नवा ध्यास नवा– छोटे सुरवीर’ या कार्यक्रमाच्या ऑडिशन्स संपूर्ण महाराष्ट्रात पार पडत आहेत. रत्नागिरी, कोल्हापूरनंतर पुण्यामध्ये या ऑडिशन्स नुकत्याच पार पडल्या. पुणेकरांनी कार्यक्रमाच्या ऑडिशन्सला उदंड प्रतिसाद दिला.

प्रचंड तयारीने आलेल्या मुलांचा उत्साह वाखाणण्याजोगा होता. कार्यक्रमाच्या ऑडिशन्समध्ये ५०० हून अधिक मुलांनी सहभाग घेतला. पुणे येथील इ. एस. सेकंडरी स्कूल, ४८६ सदाशिव पेठ, न्यू इंग्लिश स्कूल कॅंपस, टिळक रोड येथे या ऑडिशन्स पार पडल्या. या कार्यक्रमाचा शुभारंभ ऑगस्ट महिन्यामध्ये होणार आहे. अवधूत गुप्ते, शाल्मली खोलगडे आणि महेश काळे हे कार्यक्रमाचे परीक्षक असणार आहेत कार्यक्रमामध्ये सूत्रसंचालकाच्या भूमिकेत कोण असेल हे अजून जाहीर करण्यात आलेले नाही.

‘सूर नवा ध्यास नवा- छोटे सूरवीर’च्या पुणे केंद्रावर पार पडलेल्या निवड चाचणीतून मुंबईतील मेगा ऑडिशन्ससाठी आठ स्पर्धक निवडण्यात आले. श्रीनिधी देशपांडे, नंदिनी गायकवाड, ईशिता मोडक, अक्षय चारभाई, धीरज शेगर, चैतन्य देवडे, आदी भारतीया आणि अभिषेक कांबळे यांची निवड झाली आहे.  

पुणे ऑडिशन्सला आलेल्या बऱ्याच स्पर्धकांनी त्यांच्या उत्तम सादरीकरणामुळे मने जिंकली; परंतु या आठ स्पर्धकांना मुंबईला येऊन मेगा ऑडिशन्समध्ये त्यांचे गाणे सादर करण्याची संधी मिळाली. चैतन्य देवडे याने ‘माझी मैना गावाकडे राहिली’, तर अक्षय चारभाई याने ‘लाजून हसणे’ ही गाणी सादर केली आणि उपस्थितांची वाहवा मिळवली. तसेच नंदिनीने देखील तिच्या अप्रतिम गाण्याने उपस्थितांना मंत्रमुग्ध केले.

पुढील ऑडिशन्स नागपूरमध्ये रंगणार आहे. ‘सूर नवा ध्यास नवा’चे मागील पर्व प्रेक्षकांच्या पसंतीस उतरले. त्या पर्वाला प्रेक्षकांनी उदंड प्रतिसाद असून, हे पर्व छोटे सूरवीर  गाजवणार आहेत.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search