Next
‘फेअरसेंट’ला ‘आरबीआय’चे ‘एनबीएफसी-पी२पी’ प्रमाणपत्र
प्रेस रिलीज
Wednesday, May 23 | 11:43 AM
15 0 0
Share this story

मुंबई : ‘फेअरसेंट.कॉम’ या भारतातील सर्वात मोठ्या ‘पी२पी’ कर्ज मंचाला भारतीय रिझर्व बँकेकडून (आरबीआय) ‘एनबीएफसी-पी२पी’ प्रमाणपत्र मिळाले आहे, ज्यामुळे या उद्योगातील त्यांचे स्थान अग्रणी असल्याचे अधोरेखित झाले आहे. त्यामुळे राष्ट्रीय नियामकाकडून ‘एनबीएफसी-पी२पी’ म्हणून नोंदणी प्रमाणपत्र प्राप्त ‘फेअरसेंट.कॉम’ हा देशातील पहिला पी२पी कर्ज मंच बनला आहे.

‘फेअरसेंट.कॉम’चे संस्थापक आणि मुख्य कार्यकारी अधिकारी रजत गांधी म्हणाले, ‘देशातील सर्वात मोठा पी२पी मंच आणि या क्षेत्रातील आद्यप्रवर्तक म्हणून ‘फेअरसेंट.कॉम’ने भारतातील ऑनलाइन ‘पी२पी’ कर्ज क्षेत्राला नियामक संस्थेकडून मान्यता मिळवून देण्यास मदत केली आहे. ‘आरबीआय’कडून ‘एनबीएफसी-पी२पी’ प्रमाणपत्र मिळवणारी या क्षेत्रातील पहिली कंपनी बनणे हा ‘फेअरसेंट.कॉम’साठी एक लक्षणीय टप्पा आहे. यामुळे तंत्रज्ञानाच्या माध्यमातून प्रत्येक भारतीयाला आर्थिक यंत्रणेत सामावून घेण्याच्या आणि आमच्या नाविन्यपूर्ण तंत्रज्ञान-प्रेरित ऑफर्सनी देशातील क्रेडीट तूट भरून काढण्याच्या आमच्या निर्धाराला आणखीन बळकटी आली आहे.’

या क्षेत्रातील अद्यप्रवर्तक या नात्याने ‘फेअरसेंट.कॉम’ने ‘पी२पी’ कर्जाला भारतातील एक आगळावेगळा वैकल्पिक गुंतवणूक असेट वर्ग म्हणून स्थापित केले आहे. आपल्या तंत्रज्ञान-प्रेरित दृष्टीकोनाने त्यांनी भारतीय कर्जदारांना अधिक सुलभतेने कर्ज मिळविण्यासाठी सक्षम बनविले आहे आणि त्याचबरोबर देशातील गुंतवणूकदारांना पैसे कामावण्याचा एक उच्च शक्यता असलेला मार्ग सादर केला आहे. या मंचावर सध्या ४० हजारांपेक्षा जास्त कर्जदाता आणि ३.५ लाख कर्जदार नोंदलेले आहेत आणि आजवर त्यांनी एकंदर सहा हजारपेक्षा जास्त कर्जे दिलेली आहेत.
 
15 0 0
Share this story

Post Your Comment
मराठी English
Your Name *
Email
  Notify me once my comment is published
Comment *
Content limited to 1000 characters,1000 characters remaining.

Select Language
Share Link