Next
शि. म. परांजपे
BOI
Wednesday, June 27 | 03:45 AM
15 0 0
Share this story

‘काळ’कर्ते हीच ज्यांची ओळख बनली त्या शि. म. परांजपे यांचा २७ जून हा जन्मदिन. त्यानिमित्त आजच्या ‘दिनमणी’मध्ये त्यांचा अल्प परिचय....
..... 
२७ जून १८६४ रोजी महाडमध्ये जन्मलेले शिवराम परांजपे हे पत्रकार, कथाकार आणि निबंधकार म्हणून प्रसिद्ध होते. संस्कृतसाठीची जगन्नाथ शंकरशेठ शिष्यवृत्ती मिळवणारे ते पहिलेच मानकरी होते! त्यांच्या लेखनावर विष्णुशास्त्री चिपळूणकरांचा प्रभाव होता. 

वयाच्या ३४व्या वर्षी, २५ मार्च १८९८ रोजी त्यांनी ‘काळ’ हे वृत्तपत्र सुरू केलं. ‘धार्मिक, सामाजिक, राजकीय, ऐतिहासिक आणि वाङ्मयीन विषयांची निष्पक्षपातीपणे व निर्भयपणे पूर्ण चर्चा करणारे वृत्तपत्र’ अशी त्याची जाहिरात केली गेली होती. वक्रोक्ती व व्याजोक्ती ही त्यांच्या लिखाणाची प्रमुख वैशिष्ट्यं होती, असं म्हटलं गेलंय. ‘काळ’मधून त्यांनी ब्रिटिशांच्या अन्यायकारक धोरणांविरुद्ध सातत्याने टीका केली. ब्रिटिशांनी त्यासाठी त्यांना अटकही केली आणि प्रचंड दंड आकारला. तो भरणं शक्य नसल्याने ते वृत्तपत्र बंद पडलं.

१९२९ साली बेळगावात भरलेल्या मराठी साहित्य संमेलनाचे ते अध्यक्ष होते. 

२७ सप्टेंबर १९२९ रोजी त्यांचा मृत्यू झाला.

(शि. म. परांजपे यांची पुस्तकं ‘बुकगंगा डॉट कॉम’वरून घरपोच मागविण्यासाठी येथे क्लिक करा. दररोज प्रसिद्ध होणाऱ्या ‘दिनमणी’ सदरातले स्फुट लेख एकत्रितरीत्या https://goo.gl/QMr7oP या लिंकवर वाचता येतील.)
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link