Next
‘मसालाकिंग’ डॉ. धनंजय दातार यांची प्रकट मुलाखत
प्रेस रिलीज
Friday, April 06 | 03:18 PM
15 0 0
Share this story

डॉ. धनंजय दातार
पुणे : जागतिक कीर्तीचे उद्योगपती आणि दुबईस्थित ‘अल अदील’ समूहाचे व्यवस्थापकीय संचालक ‘मसालाकिंग’ डॉ. धनंजय दातार येत्या शुक्रवारी, १३ एप्रिल रोजी पुण्यात येत आहेत. ‘मराठी युवा उद्योजक उद्योगिनी सेवाभावी संस्था, महाराष्ट्र’तर्फे गणेश कला क्रीडा मंच येथे आयोजित ‘खासा २०१८’ या उद्योग प्रदर्शन-विक्री कार्यक्रमाचे उद्घाटन  डॉ. दातार यांच्या हस्ते होणार आहे. तत्पूर्वी टिळक स्मारक मंदिरात प्रसिद्ध निवेदिका उत्तरा मोने या डॉ. दातार यांची प्रकट मुलाखत घेणार आहेत. आपल्या कर्तृत्वाची यशोगाथा उलगडत डॉ. दातार नवउद्योजक व उद्यमशील तरुणाईला मार्गदर्शन करणार आहेत. मुलाखत व उद्घाटनाचा हा कार्यक्रम सकाळी नऊ ते बारा  या वेळेत होईल. 

जीवनाच्या संघर्षपूर्ण प्रवासातून अनेक अडथळे पार करत व्यवसायात गरूडभरारी घेणाऱ्या आणि मराठी उद्योजकतेचा झेंडा जागतिक पातळीवर फडकावणाऱ्या डॉ. दातारांशी संवाद साधण्याची संधी नवउद्योजकांना, तसेच पुणेकरांना मिळणार आहे.  
 
‘खासा २०१८’ हा उद्योजकांसाठीचा खास उद्योग प्रदर्शन-विक्री उपक्रम असून तो शुक्रवार ते रविवार, १३ ते १५ एप्रिल असे तीन दिवस गणेश कला क्रीडा मंच येथे सुरु राहणार आहे. या प्रदर्शनात सागवानी, देवघर पेंटिंग, इमिटेशन ज्वेलरी, हँडमेड ज्वेलरी, सेंद्रिय खाद्यपदार्थ, उत्पादकांनी बनवलेले मसाले, ड्रेस मटेरियल, शर्ट्स, टूर-ट्रॅव्हल्सचे पॅकेजेस, विविध क्षेत्रातील सेवा यांचा समावेश असून पोटपूजेसाठी खास खाऊगल्लीही आहे. त्यामध्ये उकडीच्या मोदकापासून हैदराबादी बिर्याणीपर्यंत आणि चाटपासून पिझ्झा-बर्गरपर्यंत वैविध्यपूर्ण खाद्य पदार्थांचा आस्वाद घेता येईल. जिद्द, अफाट मेहनत आणि कर्तृत्वाच्या जोरावर महाराष्ट्रात अनेक उद्योजक घडले आहेत. यातील काही मोजक्या उद्योजकांनी भारतातच नव्हे, तर जगातही आपल्या उद्योगाचे साम्राज्य निर्माण केले आहे. दुबईतील सुप्रसिद्ध ‘अल अदील’ समूहाचे अध्यक्ष आणि व्यवस्थापकीय संचालक असलेल्या डॉ. दातार यांनी गेल्या ३३ वर्षांत आपल्या व्यवसायाचा आखाती देशांत प्रचंड जम बसवला. दुबईमध्ये एका छोट्याशा दुकानापासून व्यवसायास सुरुवात करणाऱ्या दातार यांनी आखाती देशांत ३९ सुपर मार्केट्सची स्वत:ची रीटेल आऊटलेट्सची साखळी निर्माण केली. त्याचबरोबर पिठाच्या दोन गिरण्या आणि  मसाल्याचे दोन कारखानेही उभारले. धनंजय दातार यांची ‘अल अदिल ट्रेडिंग’ कंपनी आखाती देशांतील स्थानिक व भारतीयांच्या घराघरांत पोचली आहे.
 
डॉ. धनंजय दातार यांची यशोगाथा उद्योगाची आकांक्षा बाळगणाऱ्या तरुणांसाठी, तसेच नवउद्योजकांसाठी प्रेरणादायी आहे. गरीबीत बालपण गेलेल्या धनंजय यांनी जीवनाच्या प्रत्येक टप्प्यावर संघर्षाचा मुकाबला केला आहे. कोणताही उद्योजकीय वारसा अथवा आर्थिक पाठबळ नसताना त्यांनी तरुण वयात व्यवसायाचे स्वप्न बघितले. मुंबईत फिनेल विक्रीचा व्यवसाय करताना विक्रीकला व ग्राहकसेवा कौशल्य आत्मसात केले. वडिलांनी दुबईत सुरु केलेल्या छोट्याशा दुकानात झाडू-पोछा, लादी सफाई, पोती वाहून नेणे अशा कामांतून कारकीर्दीची सुरवात केली. आई-वडिलांच्या संस्काराची शिदोरी आणि कष्टाळू वृत्ती या जोरावर त्यांनी एका छोट्याशा व्यवसायाचे रुपांतर बहुराष्ट्रीय उद्योग समूहात करुन दाखवले. दुबईच्या शासकांनी धनंजय दातार यांना ‘मसालाकिंग’ बहुमानाने संबोधून त्यांच्या परिश्रम आणि कर्तृत्वाचा यथोचित गौरव केला आहे.
 
व्यवसाय लहान आहे, की मोठा, असा विचार न करता वक्तशीरपणा, प्रामाणिकपणा आणि परिणामकारक सेवा या त्रिसूत्रीच्या जोरावर ग्राहकांचे समाधान केल्यास नक्कीच यश मिळते, यावर डॉ. दातारांचा भर आहे. प्रचंड मेहनत आणि प्रामाणिकपणा याशिवाय स्वप्ने पूर्ण होत नाहीत, असा सल्ला ते नेहमीच तरुणांना देतात. हाच प्रामाणिकपणा दातार यांनी मागील ३३ वर्षे आपल्या व्यवसायात कायम ठेवला. यामुळे त्यांना भारताबरोबरच जागतिक स्तरावरही अनेक प्रतिष्ठित पुरस्कार देऊन गौरविण्यात आले.‘फोर्ब्स मिडल ईस्ट’तर्फे नुकताच ‘टॉप इंडियन लीडर्स इन द अरब वर्ल्ड २०१७ – रीटेल ॲवॉर्ड’ देऊन त्यांचा गौरव करण्यात आला. डॉ. दातार हे ‘फोर्ब्स मिडल ईस्ट’च्या आघाडीच्या शंभर भारतीय नेत्यांच्या मानांकन यादीतील बहुधा एकमेव महाराष्ट्रीय आहेत. अरेबियन बिझनेस रँकमध्ये त्यांना १४ वे, तर फोर्ब्जच्या यादीमध्ये ३३ वे मानांकन मिळाले आहे. 
 
डॉ. दातार यांनी विविध संस्थांना मदत करुन सामाजिक बांधीलकीही जपली आहे. भारतीय संस्कृतीचे आखाती देशांमध्ये संवर्धन करण्यात ते आघाडीवर आहेत. दुबईमध्ये मराठी उपक्रम राबवण्यास ते अधिकाधिक मदत करतात. 
 
‘अल अदील ट्रेडिंग’ समूहाने डॉ. धनंजय दातार यांच्या चैतन्यशील नेतृत्वाखाली नऊ हजार  भारतीय उत्पादने संयुक्त अरब अमिरातीत (युएई) आणण्यात महत्त्वाची भूमिका बजावली असून स्वतःच्या ‘पिकॉक’ या ब्रँडअंतर्गत तयार पिठे, मसाले, लोणची, मुरंबे, नमकीन, इन्स्टंट अशा श्रेणींत सातशेहून अधिक उत्पादने ग्राहकांना उपलब्ध करुन दिली आहेत. मसाले व पिठे तयार करुन पॅकबंद करण्यासाठी डॉ. दातार यांनी दुबई इन्व्हेस्टमेंट पार्कमध्ये दीड लाख चौरस फुटांचा भव्य प्रकल्प उभारला आहे. त्यांच्या उद्योगाची भारतीय शाखा ‘मसाला किंग एक्स्पोर्ट्स’ या नावाने मुंबईत कार्यरत आहे. ‘अल अदील’ समूहाचे ३९ आऊटलेट्स, आधुनिक तंत्रज्ञानयुक्त दोन पिठाच्या गिरण्या व दोन मसाला कारखाने असे जाळे दुबई,अबू धाबी, शारजा व अजमान येथे विस्तारले असून मुंबई निर्यात विभागाची शाखा ‘मसाला किंग एक्स्पोर्ट्स (इंडिया) प्रायव्हेट लिमिटेड’ नावाने मुंबईत आहे. ‘अल अदील’ समूह सक्रिय विस्ताराच्या टप्प्यात असून त्याने नुकतीच दुबईसह ओमान, बहारीन व सौदी अरेबियामध्ये नवी आऊटलेट्स उघडली आहेत. कंपनीने अमेरिका, कॅनडा, टांझानिया, केनया,स्वित्झर्लंड, इटली व एरित्रिया, तसेच कुवेत, ओमान व संयुक्त अरब अमिरातीत विशेष व्यापारी मार्ग स्थापन करुन आयात व निर्यात क्षेत्रातही विस्तार साधला आहे.  
 
कार्यक्रमाविषयी : 
मसालाकिंग डॉ. धनंजय दातार यांची प्रकट मुलाखत 
स्थळ : टिळक स्मारक मंदिर
वेळ :  शुक्रवारी दि. १३, सकाळी ९ ते १२
 
15 0 0
Share this story

Post Your Comment
मराठी English
Your Name *
Email
  Notify me once my comment is published
Comment *
Content limited to 1000 characters,1000 characters remaining.

Select Language
Share Link