Next
माझा मराठाचि बोलु कौतुकें
BOI
Monday, February 26, 2018 | 06:30 AM
15 0 0
Share this article:



मराठी राजभाषा दिनानिमित्ताने प्रसिद्ध करत आहोत मराठीचं कौतुक करणाऱ्या काही कविता. या उपक्रमाची सुरुवात संत ज्ञानेश्वरांच्या रचनेपासून...
...........
माझा मराठाचि बोलु कौतुकें । परि अमृतातेंही पैजां जिंके ।।
ऐसीं अक्षरें रसिकें । मेळवीन ।।१।।

जिये कोंवळिकेचेनि पाडें । दिसती नादींचे रंग थोडे ।
वेधें परिमळाचें बीक मोडे। जयाचेनि।।२।।

ऐका रसाळपणाचिया लोभा । कीं श्रवणींचि होती जिभा ।
बोलें इंद्रियां लागे कळंभा। एकमेकां।।३।।

सहजें शब्दु तरी विषो श्रवणाचा । परि रसना म्हणेरसु हा आमुचा ।
घ्राणासि भावो जाय परिमळाचा । हा तोचि होईल ।।४।।

नवल बोलतीये रेखेची वाहणी । देखतां डोळयांही पुरों लागे धणी ।
ते म्हणती उघडली खाणी । रुपाची हे ।।५।।

जेथ संपूर्ण पद उभारे । तेथ मनचि धांवे बाहिरें ।
बोलुं भुजांहीं आविष्करे । आलिंगावया ।।६।।

ऐशीं इंद्रियें आपुलालिया भावीं । झोंबती परि तो सरिसेपणेंचि
बुझावी । जैसा एकला जग चेववी । सहस्रकरु ।।७।।

तैसें शब्दाचें व्यापकपण । देखिजे असाधारण ।
पाहातयां भावज्ञां फावती गुण । चिंतामणीचे ।।८।।

हें असो तया बोलांची ताटें भलीं । वरी कैवल्यरसें वोगरिलीं ।
ही प्रतिपत्ति मियां केली । निष्कामासी ।।९।। 
- संत ज्ञानेश्वर

(मराठीचं कौतुक करणाऱ्या सर्व कविता https://goo.gl/1UGvB9 या लिंकवर एकत्रितपणे उपलब्ध आहेत.)
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search