Next
पुणे विद्यापीठातील सदस्यांची डॉ. आंबेडकर कॉलेजला भेट
प्रेस रिलीज
Friday, August 10, 2018 | 05:08 PM
15 0 0
Share this article:



औंध : सावित्रीबाई फुले पुणे विद्यापीठातील अर्थशास्त्र विभागाच्या नवनियुक्त अभ्यास मंडळ सदस्यांनी रयत शिक्षण संस्थेच्या डॉ. बाबासाहेब आंबेडकर महाविद्यालयाला आठ ऑगस्ट रोजी भेट दिली.

या प्रसंगी हुतात्मा राजगुरू महाविद्यालयाचे डॉ. तानाजी गीते (राजगुरुनगर), श्री सिद्धिविनायक महिला कॉलेजचे डॉ. अरविंद शेलार (कर्वेनगर), जिजामाता महाविद्यालय भेंडा कॉलेजचे डॉ. संभाजी काळे (नेवासा), पंचवटी कॉलेजच्या डॉ. आशा पाटील (नाशिक) अण्णासाहेब मगर कॉलेजच्या डॉ. मेघना भोसले (हडपसर), सर परशुराम महाविद्यालयाचे डॉ. डी. बी. पवार (पुणे), एस. एम. जोशी कॉलेजच्या डॉ. वैशाली पाटील (हडपसर.) डॉ. बाबासाहेब आंबेडकर कॉलेजच्या प्राचार्य डॉ. मंजुश्री बोबडे (औंध, पुणे)  या सदस्यांनी महाविद्यालयातील अर्थशास्त्र विषयातील विद्यार्थ्यांशी संवाद साधला.

या वेळी विद्यार्थ्यांसोबत अर्थशास्त्र विषयातील विविध विषयांवर चर्चा करण्यात आली. यात अर्थशास्त्र विषयाच्या नाविन्यपूर्ण अभ्यासक्रम, अर्थशास्त्र विषयातील नोकरीच्या संधी, अर्थशास्त्राच्या व्यवसायभिमुख अभ्यासक्रम यांबाबत चर्चा करण्यात आली.

यानंतर प्राचार्य डॉ. बोबडे म्हणाल्या, ‘पुणे विद्यापीठातील  अभ्यास मंडळावरील सदस्यांनी एकत्रीतपणे  महाविद्यालयात भेट देऊन विद्यार्थ्यांशी संवाद साधण्याची ही पहिलीच वेळ आहे. विद्यार्थ्यांनी केलेल्या सूचनेनुसार अभ्यास मंडळावरील सदस्य व्यवसायाभिमुख अभ्यासक्रम तयार करतील. ज्यामुळे विद्यार्थ्यांना प्रायव्हेट आणि कार्पोरेट सेक्टरमध्ये नोकरीच्या विविध संधी उपलब्ध होतील.’

या कार्यक्रमासाठी उपस्थित सर्व सदस्यांचे महाविद्यालयातर्फे स्वागत आणि सत्कार करण्यात आला. प्रास्ताविक आयक्यूएसी कमिटीच्या चेअरमन डॉ. सविता पाटील यांनी केले. आभार डॉ. तानाजी हातेकर यांनी आभार मानले केले. या कार्यक्रमासाठी प्रा. नलिनी पाचरणे, डॉ. शशी कराळे, प्रा. एकनाथ झावरे, प्रा. सुप्रिया पवार, प्रा. किरण कुंभार डॉ. अतुल चौरे उपस्थित होते.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search