Next
विक्रम फडणीसचा पुढचा सिनेमा स्मृतिभ्रंशावर
दुसरा चित्रपटही असणार मराठी
BOI
Thursday, January 24, 2019 | 06:13 PM
15 0 0
Share this article:

विक्रम फडणीसमुंबई : २०१७मध्ये ‘हृदयांतर’  या मराठी चित्रपटाच्या माध्यमातून दिग्दर्शन क्षेत्रात प्रवेश केलेला सुप्रसिद्ध फॅशन डिझायनर विक्रम फडणीस याने आपल्या दुसऱ्या चित्रपटाची घोषणा केली आहे. त्याचा दुसरा चित्रपटही मराठीच असून तो ‘विसरभोळेपणा आणि स्मृतिभ्रंश’ या संकल्पनेवर आधारित असेल, असे त्याने सांगितले आहे.

एका वृत्तवाहिनीला दिलेल्या मुलाखतीत विक्रमने आपल्या दुसऱ्या चित्रपटाबद्दल माहिती दिली. दुसरा चित्रपटही मराठीच असून पुढील महिन्यात त्या चित्रपटाच्या कामाला सुरुवात करणार असल्याचे त्याने सांगितले. याबाबत पुढे सांगताना तो म्हणाला, ‘या चित्रपटातून मी विसरभोळेपणा आणि स्मृतिभ्रंश (अल्झायमर्स आणि डिमेन्शिया) यावर आधारित एक कथा सर्वांसमोर घेऊन येत आहे. ही कथा मी लिहिली असून ती माझ्या हृदयाच्या अत्यंत जवळची आहे. त्यामुळे मी या चित्रपटाबद्दल खूप उत्सुक आहे. व्यावसायिक, कलात्मक किंवा ‘क्लास आणि मास’साठी असलेला हा सिनेमा असेल का नाही हे मी सांगू शकणार नाही. मी केवळ लोकांच्या माझ्याकडून असलेल्या जादुई अपेक्षा पूर्ण करण्याचा प्रयत्न यातून करत आहे.’ 

आपल्या आगामी चित्रपटाबाबत आपण खूप भावनिक असल्याचे विक्रमने म्हटले आहे. चित्रपटाबाबत सांगताना विक्रमने आपल्या नवीन वर्षातील पहिल्या फॅशन शोबद्दलही सांगितले आहे. येत्या दोन फेब्रुवारीला मुंबईत होत असलेल्या त्याच्या या शोबद्दल तो खूप उत्सुक आहे. वर्षातील पहिला शो हा खूप महत्त्वाचा असतो आणि तो आपली पुढची वर्षभराची दिशा ठरवतो, असे सांगताना आपण या शोबाबत खूप आनंदी असल्याचेही विक्रमने सांगितले आहे.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search