Next
पहिल्या टप्प्यातील मतदानासाठी ४४ हजार ईव्हीएम, २० हजार व्हीव्हीपॅट यंत्रे सज्ज
७३ हजार कर्मचारी १४ हजार मतदान केंद्रांवर कार्यरत
प्रेस रिलीज
Monday, April 08, 2019 | 01:15 PM
15 0 0
Share this article:

मुंबई : लोकसभा निवडणुकीच्या पहिल्या टप्प्यासाठी महाराष्ट्रातील सात मतदारसंघामध्ये ११ एप्रिल २०१९ रोजी मतदान होत आहे. आठवडाभरावर आलेल्या मतदानासाठी निवडणूक यंत्रणेची जय्यत तयारी सुरू आहे. पहिल्या टप्प्यातील मतदानासाठी एकूण ११६ उमेदवार आहेत. सात मतदारसंघात १४ हजार ९१९ मतदान केंद्रे आहेत, तर एक  कोटी ३० लाख ३५ हजार मतदार आहेत. त्यामध्ये ६६ लाख ७१ हजार पुरुष, तर ६३ लाख ६४ हजार महिला आणि १८१ तृतीयपंथी मतदार आहेत. यांच्यासाठी सुमारे ४४ हजार ईव्हीएम यंत्र आणि २० हजार व्हीव्हीपॅट यंत्रे देण्यात आली असून, सुमारे ७३ हजार ८३७ कर्मचारी मतदान प्रक्रियेसाठी नियुक्त करण्यात आले आहेत.

राज्यात एकूण चार टप्प्यांत मतदान होणार असून, वर्धा, रामटेक, नागपूर, भंडारा-गोंदिया, गडचिरोली-चिमूर, चंद्रपूर आणि यवतमाळ-वाशिम या सात मतदारसंघामध्ये ११ एप्रिलला पहिल्या टप्प्याचे मतदान होणार आहे. वाढते तापमान लक्षात घेता या मतदान केंद्रांवर पिण्याचे पाणी, तसेच सावलीची व्यवस्था करण्याचे निर्देश निवडणूक आयोगाने दिले आहेत.

मतदानासाठी लागणारे साहित्य जिल्हाधिकाऱ्यांच्या ताब्यात देण्यात आले आहेत. गडचिरोली-चिमूर या नक्षलग्रस्त भागात मतदानाची वेळ सकाळी सात ते दुपारी तीन अशी करण्यात आली आहे. वर्धा मतदारसंघात सुमारे दोन हजार २६ मतदान केंद्रे असून, आठ लाख ९३ हजार पुरुष, तर आठ लाख ४८ हजार महिला मतदार आहेत. या मतदार संघात १४ लाख ४१ हजार एकूण मतदार आहेत. रामटेक मतदारसंघात दोन हजार ३६४ मतदान केंद्र असून, नऊ लाख ९६ हजार पुरुष, तर नऊ लाख २४ हजार महिला अशी एकूण १९ लाख २१ हजार मतदार आहेत.

नागपूर मतदारसंघात दोन हजार ६५ मतदान केंद्र आहेत. १० लाख ९६ हजार पुरुष, तर १० लाख ६३ हजार महिला असे एकूण २१ लाख ६० हजार एकूण मतदार आहेत. भंडारा-गोंदिया मतदारसंघात दोन हजार १८४ मतदान केंद्र आहेत. नऊ लाख पाच हजार पुरुष, तर नऊ लाख तीन हजार महिला, असे एकूण १८ लाख आठ हजार मतदार आहेत. गडचिरोली-चिमूर मतदारसंघासाठी एक हजार ८८१ मतदान केंद्र असून, सात लाख ९९ हजार पुरुष आणि सात लाख ८० हजार महिला, असे एकूण १५ लाख ८० हजार मतदार आहेत. चंद्रपूर मतदारसंघामध्ये दोन हजार १९३ मतदान केंद्र असून, नऊ लाख ८६ हजार पुरुष आणि नऊ लाख २२ हजार महिला, असे एकूण १९ लाख आठ हजार मतदार आहेत. यवतमाळ-वाशिम मतदार संघामध्ये दोन हजार २०६ मतदान केंद्र आहेत. नऊ लाख ९३ हजार पुरुष मतदार, तर नऊ लाख २१ हजार महिला, असे एकूण १९ लाख १४ हजार मतदार आहेत.

ज्या मतदारसंघात १५ पेक्षा जास्त उमेदवार आहेत, अशा मतदान केंद्रांवर दोन बॅलेट युनिट बसविण्यात येतात. त्यासोबत एक कंट्रोल युनिट असते. पहिल्या टप्प्यासाठी २६ हजार बॅलेट युनिट आणि १८ हजार कंट्रोल युनिट देण्यात आले असून, २० हजार व्हीव्हीपॅट यंत्र उपलब्ध करून देण्यात आले आहे. बहुतांश सर्वच मतदान केंद्रांवर राखीव यंत्र देण्यात आली आहेत.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search