Next
गडचिरोली ते गुगल... स्वप्नीलची भरारी
गुगल-युडॅसिटी शिष्यवृत्तीसाठी निवड
BOI
Wednesday, September 12, 2018 | 12:03 PM
15 0 0
Share this article:

स्वप्नील बांगरे
मुंबई : नक्षलग्रस्त गडचिरोली जिल्ह्यातील स्वप्नील बांगरे या तरुणाने प्रतिकूल परिस्थितीवर मात करून, गुगल-युडॅसिटी शिष्यवृत्ती मिळवली आहे. युडॅसिटी नॅनोडिग्रीचा विद्यार्थी असलेल्या स्वप्नीलने आपले स्वप्न खरे करून दाखवले आहे. स्वप्नीलची युडॅसिटीमध्ये निःशुल्क अँड्रॉइड बेसिक्स अभ्यासक्रमासाठी निवड झाली असून, तो अँग्युलर जेएस अॅप्लिकेशनवर काम करत आहे. भारतात अँड्रॉइड डेव्हलपर्ससाठी असलेल्या गुगल-युडॅसिटी शिष्यवृत्ती कार्यक्रमांतर्गत पहिल्या टप्प्यात त्याची निवड झाली. 

याबाबत स्वप्नीलने सांगितले, ‘ही शिष्यवृत्ती मिळणे हे उडण्यासाठी पंख मिळाल्यासारखे होते. ही अद्भुत संधी प्राप्त झाल्यामुळे मला एक चांगला लीडर आणि अँड्रॉइड डेव्हलपर बनण्यास मदत झाली. मी तरुणांना असे आग्रहाने सांगू इच्छितो, की तुम्हाला काही शिकायचे असेल, तर तुम्हाला कोणीही रोखू शकत नाही. मला दिलेल्या असाधारण सहकार्याबद्दल मी युडॅसिटीचे, माझे मार्गदर्शक आणि प्रशिक्षक यांचे आभार मानू इच्छितो, ज्यांनी मला माझे डेव्हलपरचे कौशल्य वाढविण्यास आणि त्यात नैपुण्य प्राप्त करण्यास खूप मदत केली.’

आपला नॅनोडिग्रीचा अभ्यासक्रम विकसित करण्याबरोबरच नॅनोडिग्री पूर्ण झाल्यावर आपल्या पदवीधरांना सर्वोत्तम संभाव्य रोजगार संधी उपलबद्ध करून देण्यासाठी युडॅसिटीने गुगल आणि जगातील कित्येक अन्य आघाडीच्या औद्योगिक कंपन्यांशी भागीदारी केली आहे. यामध्ये बर्टेल्समान, लिफ्ट आणि एटी अँड टी आदी कंपन्यांचाही समावेश आहे. जगभरात एक लाख ८० हजारांपेक्षा जास्त विद्यार्थ्यांना मदत केली आहे. 
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search