Next
श्यामराव भिडे कार्यशाळेत दिव्यांग दिन उत्साहात
BOI
Tuesday, December 04, 2018 | 10:54 AM
15 0 0
Share this article:

टाकाऊपासून टिकाऊ वस्तू तयार करताना शामराव भिडे कार्यशाळेतील विद्यार्थीरत्नागिरी : येथील आविष्कार संस्थेच्या श्यामराव भिडे कार्यशाळेत जागतिक दिव्यांग दिन उत्साहात साजरा करण्यात आला. या निमित्ताने ‘क्षण रंगलेले’ हा कार्यक्रम  आयोजित केला होता.

या वेळी विद्यार्थ्यांचे गट करण्यात आले. विद्यार्थ्यांनी आपल्या कल्पनांना वाव देत विविध चित्रे रेखाटली. टाकाऊपासून टिकाऊ वस्तू करताना वर्तमानपत्रांपासून फ्लॉवर पॉट, टाकाऊ बाटल्यांपासून विविध फुले, रिकाम्या दूध पिशव्यांपासून गजरा, रंगीत पेपरपासून चायना स्टिक, वह्यांच्या पुठ्ठ्यांपासून घर, कागदाच्या लगद्यापासून मुकुट, मिनरल बॉटलपासून ज्वेलरी आदींची निर्मिती या मुलांनी केली. त्याचप्रमाणे खेळाच्या चिठ्ठ्या टाकून त्यानुसार टाळ्यांचे विविध प्रकार, प्राणी-पक्षी यांचे आवाज, पारंपरिक खेळ, मानवनिर्मित गाड्यांचे आकार, बडबड गीते, गाण्याच्या बोलावर नृत्य, मूक अभिनय सादर केले.

स्वप्नाली सावंतदेसाई यांनी त्यांचे भाऊ नंकुमार देसाई यांच्या स्मरणार्थ प्रतिवर्षाप्रमाणे विद्यार्थ्यांना खाऊ देऊन या कार्यक्रमाचे कौतुक केले. या कार्यक्रमासाठी सर्व निदेशक, मदतनीस यांनी मेहनत घेतली. निदेशक नेहा शिवलकर यांनी या वेळी कविता सादर केली. भिडे कार्यशाळेचे व्यवस्थापकीय अधीक्षक सचिन वायंगणकर यांनी सर्वांचे आभार मानले. 

(आविष्कार संस्थेविषयी सविस्तर वाचण्यासाठी येथे क्लिक करा.)

 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search