Next
आयआयटी जेईई अॅडव्हान्स्ड परीक्षेत हिरेन बावस्कर देशात चौथा
BOI
Saturday, June 22, 2019 | 02:53 PM
15 0 0
Share this article:

दापोली : नेरूळ (नवी मुंबई) येथील डीएव्ही पब्लिक स्कूलच्या विज्ञान शाखेचा (सीबीएसई) विद्यार्थी हिरेन बावस्कर याने नुकत्याच झालेल्या आयआयटी जेईई अॅडव्हान्स्ड परीक्षेत आरक्षित वर्गात महाराष्ट्रात प्रथम, तर देशात चौथा क्रमांक पटकावून यश संपादन केले आहे.

उच्च माध्यमिक शालांत परीक्षेतही त्याने ९७ टक्के गुण मिळविले आहेत. दहावीतदेखील त्याने गणित, विज्ञान आणि सामाजिक शास्त्र विषयात प्रत्येकी १०० पैकी १०० मार्क मिळवत एकूण ९९ टक्के गुण प्राप्त केले होते; तसेच तो गणित आणि केव्हीपीवाय ऑलिंपियाडचा विजेता आहे. त्याचे वडील अनिल हेदेखील मुंबईच्या आयआयटीचे माजी विद्यार्थी आहेत, तर आई डॉ. रंजना ही दापोलीच्या डॉ. बाळासाहेब सावंत कोकण कृषी विद्यापीठाची उद्यानविद्या शाखेची (पदव्युत्तर) सुवर्णपदकविजेती विद्यार्थिनी आणि बेंगळुरू येथील कृषी शास्त्र विद्यापीठाची सुवर्णपदक विजेती पीएचडी विद्यार्थिनी आहे. दापोलीतील राष्ट्रपती पुरस्कारविजेत्या मुख्याध्यापिका प्रभावती जालगावकर यांचा हिरेन हा नातू आहे.

मुंबईच्या आयआयटीमध्ये संगणकशास्त्र अभियांत्रिकी शाखेत उच्च शिक्षण घेण्याचा मानस असल्याचे हिरेनने सांगितले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search