Next
वैद्य पाटणकर दांपत्याची आंतरराष्ट्रीय परिषदेसाठी निवड
प्रेस रिलीज
Saturday, December 15, 2018 | 01:49 PM
15 0 0
Share this article:

पुणे : येथील आरोग्यवर्धिनी चिकित्सालयाचे वैद्य डॉ. हरीश पाटणकर व डॉ. स्नेहल पाटणकर या दाम्पत्याची आठव्या जागतिक आयुर्वेद परिषदेसाठी निवड झाली आहे. अहमदाबाद येथील गुजरात युनिव्हर्सिटी कॉन्व्हेंशन अँड एक्झिबिशन सेंटर येथे होणाऱ्या परिषदेत डॉ. पाटणकर दाम्पत्य ‘केस विकारांच्या निदानासाठी आधुनिक पद्धतीचा उपयोग व वापर’ या विषयावर प्रबंध सादर करणार आहेत. केशायुर्वेद या भारतातील पहिल्या आयुर्वेदीय हेअर टेस्टिंग लॅब व संशोधन केंद्रामार्फत डॉ. हरीश व डॉ. स्नेहल यांनी संशोधन केले आहे.
 
गुजरात सरकारचे आयुष मंत्रालय आणि वर्ल्ड आयुर्वेद फाउंडेशन यांच्या संयुक्त विद्यमाने आयोजित या परिषदेचे उद्घाटन पंतप्रधान नरेंद मोदी यांच्या हस्ते होणार आहे. या परिषदेत जगभरातून पाच हजार प्रतिनिधी सहभागी होत आहेत. तीस सत्रांत १५० पेक्षा अधिक तज्ज्ञ मार्गदर्शन करणार आहेत.

डॉ. स्नेहल पाटणकरवैद्य डॉ. हरीश पाटणकर‘बदलत्या काळात केसांना लावण्यासाठी बाजारपेठांमध्ये हजारो उपलब्ध उत्पादने येत आहेत; परंतु आपल्या केसांसाठी कोणते तेल पोषक आहे, हा प्रश्न सामान्य जनतेला नेहमीच पडलेला असतो. नव्या पिढीला आयुर्वेदाचे महत्त्व पटवून देण्यासाठी, तसेच आयुर्वेदिक पद्धतीने आधुनिक उपचारांद्वारे केसांच्या समस्या दूर करण्यासाठी हे संशोधन उपयुक्त ठरेल,’ असा विश्वास डॉ. पाटणकर दाम्पत्याने व्यक्त केला.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search