Next
‘बांधकामात आधुनिक तंत्रज्ञानाचा वापर ही काळाची गरज’
मेजर जनरल डॉ. एच. के. अरोरा यांचे प्रतिपादन
प्रेस रिलीज
Wednesday, May 08, 2019 | 03:51 PM
15 0 0
Share this article:

‘कॉन्स्ट्रो २०२०’ या प्रदर्शनाच्या माहिती पुस्तिकेचे प्रकाशन करताना डावीकडून नीळकंठ जोशी, संजय वायचळ, विश्वास लोकरे, डॉ. एच. के. अरोरा, नरेन कोठारी आणि जयदीप राजे.

पुणे : ‘आज बांधकाम व्यवसायात ज्ञानवर्धित संशोधन आणि अत्याधुनिक प्रशिक्षणाची कास धरली जावी, तसेच बांधकामाची प्रक्रिया ही उत्तम दर्जा साधत वेगवान व्हावी यासाठी आधुनिक तंत्रज्ञान अर्थात ‘मेकॅनाइज्ड अॅंड इंटेलिजन्ट कन्स्ट्रक्शन’ ही काळाची गरज आहे,’ मत ‘कॉलेज ऑफ मिलिटरी इंजिनीअरिंग’चे (सीएमई) अधिष्ठाता व डेप्युटी कमांडंट मेजर जनरल डॉ. एच. के. अरोरा यांनी व्यक्त केले.

‘पुणे कन्स्ट्रक्शन इंजिनीअरिंग रिसर्च फांउडेशन’तर्फे आयोजित कार्यक्रमात ते बोलत होते. या वेळी फांउडेशनचे अध्यक्ष विश्वास लोकरे, सचिव जोशी, संस्थेचे अन्य पदाधिकारी संजय वायचळ, जयदीप राजे व नरेन कोठारी या वेळी उपस्थित होते. बांधकामासाठी आवश्यक यंत्रसामग्री, साहित्य, पद्धती आणि प्रकल्प या संबंधीचे सर्वांत मोठे प्रदर्शन म्हणून ओळखले जाणाऱ्या ‘कॉन्स्ट्रो’च्या माहिती पुस्तिकेचे प्रकाशन डॉ. अरोरा यांच्या हस्ते या वेळी करण्यात आले. रेसिडेन्सी क्लब येथे हा समारंभ नुकताच पार पडला. 

या वेळी बोलताना डॉ. अरोरा म्हणाले, ‘‘पीसीआरएफ’ या संस्थेच्या माध्यमातून बांधकाम क्षेत्रात असलेल्या तंत्रज्ञानातील ताजे व नवे प्रवाह या व्यवसायाशी संबंधितांना आणि सामान्य नागरिकांनाही जाणून घेता येतात. या संबंधित क्षेत्रांसाठी ‘पीसीईआरएफ’ संस्था एक मार्गदर्शक म्हणून करीत असलेले काम वाखाणण्याजोगे असून, त्यामुळे समाजाप्रती आपली बांधिलकी संस्था दाखवून देत आहे याचा आनंद आहे.’
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search