Next
पंतप्रधानांना मिळालेल्या भेटवस्तूंचा लिलाव
ऑनलाइन सहभागही शक्य; मिळालेला निधी ‘नमामि गंगे’साठी देणार
BOI
Wednesday, January 23, 2019 | 12:02 PM
15 0 0
Share this article:



नवी दिल्ली :
पंतप्रधान नरेंद्र मोदी यांना देशभरातून मिळालेली स्मृतिचिन्हे, मानचिन्हे आणि भेटवस्तू आता तुमच्या घरातही असू शकतात. होय! हे खरे आहे. कारण पंतप्रधानांना मिळालेल्या विविध स्मृतिचिन्हांचा आणि भेटवस्तूंचा लिलाव आयोजित करण्यात आला असून, त्यातून उभा राहणारा निधी ‘नमामि गंगे’ या महत्त्वाकांक्षी प्रकल्पासाठी दिला जाणार आहे. हा प्रत्यक्ष लिलाव नवी दिल्लीत असून, त्यानंतर देशभरातील नागरिकांसाठी ऑनलाइन लिलावही आयोजित करण्यात आला आहे. 

नवी दिल्लीच्या ‘नॅशनल गॅलरी ऑफ मॉडर्न आर्ट’ने केंद्रीय संस्कृती मंत्रालयाच्या सहकार्याने २७ आणि २८ जानेवारी २०१९ रोजी दुपारी १२नंतर हा लिलाव आयोजित केला आहे. ‘नॅशनल गॅलरी ऑफ मॉडर्न आर्ट’च्या इमारतीतच हा लिलाव होणार आहे. २९ ते ३१ जानेवारी २०१९ या कालावधीत ऑनलाइन लिलाव होणार असून, प्रत्यक्ष लिलावात विक्री न झालेल्या भेटवस्तू ऑनलाइन खरेदी करता येतील. त्यासाठी https://pmmementos.gov.in हे खास पोर्टल तयार करण्यात आले आहे.

पंतप्रधानांना मिळालेल्या विविध प्रकारच्या सुमारे १९०० भेटवस्तू सध्या ‘नॅशनल गॅलरी ऑफ मॉडर्न आर्ट’मधील ‘जयपूर हाउस’मध्ये ठेवण्यात आल्या असून, त्या लोकांना पाहण्यासाठी खुल्या आहेत. तसेच https://pmmementos.gov.in या पोर्टलवरही त्या पाहता येतात. या भेटवस्तूंमध्ये चित्रे, शिल्पे, शाली, विविध प्रकारच्या पगड्या, जॅकेट्स, पारंपरिक वाद्ये आदींचा समावेश आहे. 

पंतप्रधानांना मिळालेल्या भेटवस्तू योग्य ठिकाणी जाव्यात आणि त्यातून ‘नमामि गंगे’ या गंगा नदीच्या संवर्धनासाठीच्या प्रकल्पामध्ये लोकांचाही हातभार लागावा, असा या लिलावामागचा हेतू आहे. 


 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search