Next
तावडे अतिथी भवनाचे शरद पवारांच्या हस्ते उद्घाटन
प्रेस रिलीज
Tuesday, May 08 | 05:49 PM
15 0 0
Share this story



मुंबई : आडिवरे (ता. राजापूर) येथे नव्याने बांधलेल्या तावडे अतिथी भवनाचे उद्घाटन माजी कृषी मंत्री शरद पवार यांच्या हस्ते १० मे रोजी सकाळी ११ वाजता होणार आहे. या वेळी प्रमुख पाहुणे म्हणून राज्याचे शालेय शिक्षण मंत्री विनोद तावडे, खासदार विनायक राऊत, आमदार राजन साळवी, तावडे संस्थेचे अध्यक्ष दिनकर तावडे, सचिव सतीश तावडे खजिनदार शंकरराव तावडे, उपाध्यक्ष सुहास तावडे, उपाध्यक्ष राजेंद्र तावडे आणि संपूर्ण तावडे परिवार उपस्थित राहणार आहे.      

शिक्षण मंत्री विनोद तावडे यांच्या हस्ते एक डिसेंबर २०१४ रोजी अतिथी भवनाचे भूमिपूजन झाले होते. त्यानंतर आता  ही वास्तू पूर्ण होऊन आता उद्घाटनाच्या प्रतिक्षेत आहे. प्रसिद्ध वास्तुविशारद संतोष तावडे यांनी या वास्तूचे देखणे डिझाइन बनवून उभारले आहे. याकडे वास्तूशिल्पाचा एक उत्कृष्ट नमुना म्हणून पाहण्यात येत आहे. सुमारे पंधरा हजार चौरस फूट बांधकाम असलेली बेसमेंट आणि दोन मजली इमारत असून, येथे राहण्यासाठी सुसज्ज आठ रूम, समोर सुंदर उद्यान, सांस्कृतिक व सामाजिक केंद्र आदी सुविधा आहेत. तावडे समाजाचा ८०० वर्षांच्या इतिहासाचा वारसा या वास्तूला लाभला आहे. येथे निसर्गाने केलेली मुक्त उधळण, पुरातन महाकाली मंदिर आणि निवासाची उत्तम सोय यामुळे येथे येणाऱ्या पर्यटकांना व भाविकांना एक पर्वणी ठरणार आहे.

तावडे अतिथी भवनानिमित्त तीन दिवसाच्या कार्यक्रमाचे आयोजन केले असून १० मे रोजी सकाळी ११ वाजता लोकार्पणाचा सोहळा, सायंकाळी पाच वाजता बालकीर्तनकार लक्ष्मीप्रसाद शंकर कुलकर्णी (पटवारी) यांचे बालकीर्तन, ११ मे रोजी सकाळी नऊ वाजता कुलदेवता महाकालीला प्रार्थना, सायंकाळी सात वाजता सांस्कृतिक कार्यक्रम ‘मराठी पाऊल पडते पुढे’ असे कार्यक्रम होतील. १२ मे रोजी सकाळी सात ते दुपारी १२ वाजेपर्यंत वास्तुशांती, नवग्रह शांती, होम हवन व इतर धार्मिक विधी, दुपारी २:३० ते ४:३० वाजता लघुरुद्र अभिषेकाचे आयोजन करण्यात आले आहे.

उद्घाटनाविषयी :
दिवस : गुरुवार, १० मे २०१८
वेळ : सकाळी ११ वाजता
स्थळ : तावडे अतिथी भवन, आडिवरे, ता. राजापूर, जि. रत्नागिरी.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link