Next
महिला शेतकरी भरवणार दर बुधवारी आठवडी बाजार
पटवर्धन बाग परिसरात अभिनव उपक्रम
BOI
Friday, September 20, 2019 | 02:53 PM
15 0 0
Share this article:

पटवर्धन बाग परिसरातील महिला शेतकऱ्यांनी भरवलेल्या आठवडी बाजाराच्या उद्घाटनप्रसंगी महिला शेतकऱ्यांसह नगरसेविका मंजुश्री खर्डेकर, जयंत भावे, संदीप खर्डेकर आदी

पुणे : थेट शेतकऱ्यांकडून ग्राहकांना भाजीपाला मिळावा या उद्देशाने शहरातील विविध प्रभागांमध्ये आठवडी बाजारांचे आयोजन करण्यात येते. येथील पटवर्धन बाग परिसरातही आठवडी बाजार सुरू झाला आहे; मात्र हा बाजार थोडा वेगळा आहे. कारण हा बाजार सगळ्या महिला शेतकऱ्यांनी आयोजित केला आहे. नगरसेविका मंजुश्री खर्डेकर यांच्या पुढाकाराने अंबाबाई सेंद्रिय शेतकरी बचत गट आणि आदर्श शेतकरी महिला बचत गटाच्या सदस्यांनी हा आठवडी बाजार सुरू केला आहे. बुधवारी, १८ सप्टेंबर रोजी या आठवडी बाजाराचा शुभारंभ झाला. येथील साकेत सोसायटीशेजारी दर बुधवारी दुपारी तीन ते रात्री नऊ या वेळेत हा बाजार भरणार आहे. 

नुकतेच याचे उद्घाटन क्रिएटिव्ह फाउंडेशनचे अध्यक्ष संदीप खर्डेकर, महिला बचत गटाचे प्रवर्तक योगेश देशमुख, जनार्दन क्षीरसागर, सुवर्णा काकडे, वंदना दाभाडे, राजश्री आव्हाड यांच्या उपस्थितीत झाले. परिसरातील नागरिक मोठ्या संख्येने या वेळी उपस्थित होते.

‘आम्ही येथे सेंद्रिय व गावरान भाज्या विक्रीसाठी ठेवणार असून, त्यात रानभाज्या, फळं, कडधान्य, मसाले व दुग्धजन्य पदार्थही उपलब्ध असतील,’ असे आदर्श शेतकरी महिला बचत गटाच्या प्रमुख वंदना दाभाडे व राजश्री आव्हाड म्हणाल्या.

 
‘महिला आपल्या कुटुंबाची योग्य काळजी वाहतात आणि घरातील ज्येष्ठांना आणि मुलांना सकस आहार मिळावा याकडे त्यांचा कल असतो म्हणूनच मी महिला शेतकऱ्यांनी उत्पादित केलेल्या भाजीपाल्याचा आठवडे बाजार सुरू करण्यावर भर दिला आणि आज माझ्या प्रभागात या अंबाबाई सेंद्रिय शेतकरी बचत गटाच्या आगळ्यावेगळ्या आठवडे बाजाराचे उद्घाटन करताना मला मनस्वी आनंद होत आहे,’ असे मंजुश्री खर्डेकर यांनी सांगितले.

‘महिलांनी रास्त दरात ताज्या भाज्या विकल्या तर या भागातील चोखंदळ नागरिक निश्चितच त्याला प्रतिसाद देतील आणि हा प्रयोग यशस्वी होईल’, असे वारजे कर्वेनगर प्रभाग समितीचे अध्यक्ष जयंत भावे म्हणाले.

कार्यक्रमाचे संयोजन व प्रास्ताविक नगरसेविका मंजुश्री खर्डेकर यांनी केले. सूत्रसंचालन संदीप खर्डेकर यांनी, तर योगेश देशमुख यांनी आभार मानले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.
COMMENTS
Ganesh shinde About 29 Days ago
Nice
0
0
Ramesh Ghugrd About 30 Days ago
Thanks Manjushree Tai for your initiative. It's a big help for this women's group and also for people like us in this area. Manjushree Tai and Sandeepji aage badho
0
0
Shirish Chintaman Deshmukh About 30 Days ago
A very good initiative by Manjushree tai, it will be definitely a win win situation for salers as well as buyers, Congratulations and All the best
0
0
BDGramopadhye About 30 Days ago
Good idea. But why only Pune?
0
0

Select Language
Share Link
 
Search