Next
पवन सिंह यांची आयएसएसएफच्या पंच समितीमध्ये निवड
समितीमध्ये स्थान मिळविलेले पहिले भारतीय
BOI
Monday, December 03, 2018 | 05:58 PM
15 0 0
Share this article:

पवन सिंहपुणे : भारतीय राष्ट्रीय रायफल महासंघाचे (एनआरएआई) संयुक्त महासचिव, भारतीय नेमबाजीच्या संघाचे माजी प्रशिक्षक आणि पुण्यातील गन फॉर ग्लोरी या शूटिंग अकादमीचे सहसंस्थापक पवन सिंह यांची इंटरनॅशनल शुटिंग स्पोर्ट्स फेडरेशनच्या (आयएसएसएफ) पंच समितीमध्ये निवड झाली आहे. या महत्त्वाच्या समितीमध्ये स्थान मिळविलेले पवन सिंह हे पहिले भारतीय आहेत. 

जर्मनीतील म्युनिच येथे सात सदस्यांच्या या समितीसाठी नुकतीच निवडणूक घेण्यात आली. यात २२ देशांतील उमेदवार रिंगणात होते. यात भारताच्या पवन सिंह यांनी बाजी मारली. या समितीच्या निवडीसाठी आयएसएसएफच्या प्रशासकीय परिषदेच्या सदस्यांनी मतदान केले. आयएसएसएफची ही निवडणूक दर चार वर्षांनी घेण्यात येते.

याआधी दोनच दिवसांपूर्वी आयएसएसएफच्या उपाध्यक्षपदी एनआरएआयचे सध्याचे अध्यक्ष रनिंदर सिंह यांची निवड करण्यात आली होती.

इंटरनॅशनल शूटिंग स्पोर्ट्स फेडरेशनची ही पंच समिती सात सदस्यांची असून, जागतिक पातळीवरील नेमबाजीचे एकसमान नियम, आंतरराष्ट्रीय पातळीवर पंचांना लागू होणारे नियम व मार्गदर्शक तत्त्वे, अभ्यासक्रम याबरोबरच पंचाना आवश्यक असलेल्या परवान्यांचे अर्ज आदी गोष्टींवर मुख्यत: नियंत्रण ठेवते. याबरोबर वर्षातून किमान एकदा फेडरेशनच्या प्रशासकीय परिषदेला अहवालदेखील सादर करते.  
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search