Next
आंतरराष्ट्रीय दिव्यांग क्रिकेट मालिकेत वाडेकर वॉरियर्स करणार भारताचे प्रतिनिधित्व
पहिली आंतरराष्ट्रीय दिव्यांग क्रिकेट मालिका इंग्लंडमध्ये
प्रशांत सिनकर
Friday, July 26, 2019 | 11:11 AM
15 0 0
Share this article:

आंतरराष्ट्रीय दिव्यांग क्रिकेट मालिकेत भारताचे प्रतिनिधित्व करणाऱ्या वाडेकर वॉरियर्स संघातील खेळाडू व पदाधिकारी

ठाणे : जगातील सहा देशांमधील दिव्यांग खेळाडूंसाठीची पहिली आंतरराष्ट्रीय क्रिकेट मालिका इंग्लंड येथे होणार असून, या मालिकेत भारताचे प्रतिनिधित्व वाडेकर वॉरियर्स हा संघ करणार आहे. 

ऑल इंडिया क्रिकेट असोसिएशन फॉर द फिजिकली चॅलेंज्ड या संस्थेने (एआयसीएपीसी) हा १६ खेळाडूंचा संघ निवडला आहे. हा संघ तीन ते १४ ऑगस्ट २०१९ या कालावधीत इंग्लंड येथे होणाऱ्या पहिल्यावहिल्या जागतिक क्रिकेट मालिकेत भारताचे प्रतिनिधित्व करणार आहे. हे खेळाडू ४० टक्क्यांपेक्षा जास्त दिव्यांग आहेत. भारतीय क्रिकेट संघाचे दिवंगत कप्तान अजित वाडेकर यांनी ३० वर्षांपूर्वी ही संकल्पना मांडली आणि त्यासाठी मेहनत घेतली होती. त्यांच्या स्मृतिप्रीत्यर्थ या संघाला वाडेकर वॉरियर्स हे नाव देण्यात आले आहे. 

देशभरात दिव्यांगांसाठी होणाऱ्या रणजी सामन्यांमधून या खेळाडूंची निवड करण्यात आली आहे. या संघाने नुकतीच अफगाणिस्तानबरोबर झालेली मालिका जिंकली आहे. दिव्यांग क्रिकेट विश्वात अफगाणिस्तान आणि भारत हे संघ नावाजलेले मानले जातात. त्यामुळे हा विश्वचषक भारताला मिळेल, अशी आशा संघाच्या पदाधिकाऱ्यांनी व्यक्त केली. 

या खेळाडूंना या मालिकेसाठी शुभेच्छा आणि प्रोत्साहन देण्यासाठी ठाण्यातील विवियाना मॉलमध्ये नुकतेच एका कार्यक्रमाचे आयोजन करण्यात आले होते. या वेळी वाडेकर यांच्या कन्या कश्मीरा वाडेकर यांनीही या संघाला शुभेच्छा दिल्या. ‘आपल्या वडिलांच्या या कार्याबद्दल आपल्याला अभिमान आहे,’असे त्यांनी या वेळी सांगितले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search