Next
डॉ. अविराज तायडे यांना पहिला ‘पं. भीमसेन जोशी कलागंधर्व पुरस्कार’
BOI
Saturday, July 20, 2019 | 03:15 PM
15 0 0
Share this article:

डॉ. अविराज तायडेपुणे : कलाश्री संगीत मंडळातर्फे या वर्षीपासून संगीत क्षेत्रात उल्लेखनीय कामगिरी करणाऱ्या कलाकारांना ‘पं. भीमसेन जोशी कलागंधर्व पुरस्कारा’ने सन्मानित करण्यात येणार आहे. पं. भीमसेन जोशी यांचे शिष्य व किराणा घराण्याचे गायक डॉ. अविराज तायडे हे यंदाच्या पुरस्काराचे मानकरी आहेत. रोख रुपये ११ हजार, मानचिन्ह, शाल, श्रीफळ असे या पुरस्काराचे स्वरूप असल्याची, माहिती कलाश्री संगीत मंडळाचे संस्थापक सुधाकर चव्हाण यांनी कळविली आहे.

 दि. २६ ते २८ जुलै  दरम्यान रंगणाऱ्या भारतरत्न पं. भीमसेन जोशी संगीत महोत्सवात पंडितजींच्या कन्या शुभदा मुळगुंद यांच्या हस्ते डॉ. अविराज तायडे यांना हा पुरस्कार प्रदान करण्यात येणार आहे. औंध येथील पं. भीमसेन जोशी कलामंदिर येथे हा महोत्सव होणार असून, महोत्सवाचे हे सहावे वर्ष आहे. महोत्सवात आजवर अनेक मान्यवर गायक व वादक कलाकारांनी आपली कला सादर केली आहे.

तायडे हे किराणा घराण्याचे गायक असून, त्यांना त्यांच्या मातोश्री सुशीलाबाई यांच्याकडून संगीताचे बाळकडू मिळाले. सुरुवातीला संगीताचे औपचारिक शिक्षण त्यांनी देवरावजी भालेराव यांच्याकडून घेतले. त्यांनतर पं. रामभाऊ मते, पं. सी. आर. व्यास, पं. भीमसेन जोशी यांच्याकडून पुढील संगीत शिक्षण घेतले. सध्या ते मुंबईतील ‘एसएनडीटी’ विद्यापीठाचे अधिष्ठाता असून, नाशिकमधील ‘एसएमआरके’ महिला महाविद्यालयात विभाग प्रमुख म्हणून कार्यरत आहेत. त्यांना आजवर भीमसेन रत्न पुरस्कार, अध्यापन एक्सलन्स अॅवॉर्ड, सेवा कला पुरस्कार आदी पुरस्कारांनी गौरविण्यात आले आहे.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search