Next
सोलापुरात धुक्याची चादर
पिकांचे नुकसान टाळण्यासाठी शेतकऱ्यांची लगबग
BOI
Thursday, December 20, 2018 | 02:08 PM
15 0 0
Share this article:



सोलापूर :
कडाक्याच्या थंडीत हिरवाईने दाट धुक्याची चादर पांघरल्याचा अद्भुत आविष्कार १९ डिसेंबर २०१८ रोजी सोलापूर जिल्ह्यात पाहायला मिळाला. तापमान १० अंश सेल्सिअसपर्यंत खाली उतरले होते. त्यात वारेही वाहत होते. धुक्यामुळे द्राक्षबागांचे नुकसान होऊ नये यासाठी शेतकऱ्यांनी उपाययोजना सुरू केल्या आहेत.



सोलापूर जिल्ह्यात सध्या कडाक्याची थंडी पडत असून, दाट धुकेही पडू लागले आहे. या धुक्यामुळे अगदी पावलाच्या अंतरातीलही काही दिसत नव्हते. त्यामुळे वाहनचालकांना सकाळी नऊ वाजेपर्यंत दिवे लावूनच वाहन चालवावे लागत होते. पहाटे पाच ते सकाळी नऊ वाजेपर्यंत धुके टिकून राहिल्यामुळे महाबळेश्वर व माथेरानचा ‘फील’ मिळाला; मात्र शेतीसाठी हे धुके धोकादायक आहे. दाट धुके पडल्यामुळे फळबागा व फळभाज्यांच्या पिकाला फटका बसण्याची शक्यता आहे. धुक्यातील पाणी आणि त्यानंतर पडलेल्या उन्हामुळे द्राक्षबागेत घडकूज होण्याची शक्यता आहे. तसे झाल्यास शेतकऱ्यांचे मोठे नुकसान होऊ शकते. तसेच डाळिंब बागेतही फळांवर डांबऱ्या रोगाचा प्रादुर्भाव होण्याची भीती शेतकऱ्यांना आहे. त्यामुळे शेतकरी आपल्या फळबागा व फळभाज्यांची पिके वाचवण्यासाठी धडपड करू लागले आहेत. 



मेंढापूर येथील शेतकरी उमेश यादव म्हणाले, ‘दाट धुक्यामुळे द्राक्षबागांमध्ये घडकूज होण्याचा मोठा धोका असल्यामुळे आम्ही आमच्या बागेत सल्फरचे डस्टिंग करून बागेत पहाटेच शेकोट्या पेटवून धूर करून बागेचे नुकसान टाळण्याचा प्रयत्न केला.’

 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.
COMMENTS
अभय ढाळे , पंढरपूर About 215 Days ago
स्पेशल रिपोर्ट ! अशा बातम्या अन्य माध्यमांनी देण्याची खरी गरज आहे .
0
0

Select Language
Share Link
 
Search