Next
व्ही. जी. जाना यांना सीआयडीसी विश्वकर्मा पुरस्कार
BOI
Monday, March 25, 2019 | 01:05 PM
15 0 0
Share this article:

राज्यमंत्री विजय गोयल यांच्या हस्ते व्ही. जी. जाना यांना कन्स्ट्रक्शन इंडस्ट्री डेव्हलपमेंट कौन्सिलतर्फे ‘सीआयडीसी विश्वकर्मा पुरस्कार २०१९- इंडस्ट्री कॅप्टन’ पुरस्कार प्रदान करण्यात आला.

पुणे : अभियांत्रिकी व बांधकाम उद्योगातील ५५ वर्षांहून अधिक काळाच्या बहुमोल व महत्त्वपूर्ण योगदानाबद्दल बी. जी. शिर्के कन्स्ट्रक्शन टेक्नॉलॉजी प्रा.लि.चे वरिष्ठ मुख्य कार्यकारी अधिकारी, व्ही. जी. जाना यांना कन्स्ट्रक्शन इंडस्ट्री डेव्हलपमेंट कौन्सिलतर्फे (सीआयडीसी) राष्ट्रीय पातळीवरील ‘सीआयडीसी विश्वकर्मा पुरस्कार २०१९- इंडस्ट्री कॅप्टन’ या प्रतिष्ठित पुरस्काराने सन्मानित करण्यात आले.

नवी दिल्ली येथे नुकत्याच झालेल्या २३ व्या वार्षिक दिन महोत्सवात राज्यमंत्री विजय गोयल यांच्या प्रमुख उपस्थितीत जाना यांना हा पुरस्कार प्रदान करण्यात आला. या वेळी ‘सीआयडीसी’चे अध्यक्ष डॉ. पी. एस. राणा, निवड समिती अध्यक्ष प्रदीप भार्गवा, त्रिपुरा स्टेट प्लॅनिंग बोर्डचे उपाध्यक्ष आर. के. माथूर आणि ‘सीपीडब्ल्यूडी’चे डीजी प्रभाकर सिंग आदी मान्यवर उपस्थित होते.

नीती आयोगाने इंडियन कन्स्ट्रक्शन इंडस्ट्रीच्या समवेत कन्स्ट्रक्शन डेव्हलपमेंट कौन्सिलची (सीआयडीसी) निर्मिती केली आहे. हे राष्ट्रीय पातळीवरील एक उच्च मंडळ असून, भारतीय बांधकाम उद्योग क्षेत्रात चांगल्या योजना कार्यान्वित करण्याच्या काम ते करत आहे. बांधकाम उद्योगाची वाढ व विकास व्हावा या उद्देशाने ‘सीआयडीसी’ने या क्षेत्रात महत्त्वपूर्ण योगदान देणाऱ्या व्यक्ती आणि संस्थांसाठी ‘सीआयडीसी विश्वकर्मा’ पुरस्कार सुरू केला आहे.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search