Next
सीएम चषकच्या अंतिम सामन्यांना सुरुवात
प्रेस रिलीज
Tuesday, January 29, 2019 | 05:00 PM
15 1 0
Share this article:

मुंबई : महाराष्ट्राची आतापर्यंतची सर्वांत मोठी क्रीडा आणि सांस्कृतिक स्पर्धा असलेल्या सीएम चषकचे राज्यस्तरीय अंतिम सामने मुंबई, अहमदनगर आणि पुण्यात पार पडतील. राज्यातील सर्व जिल्ह्यांतून एकूण ४५ लाखांहून अधिक स्पर्धकांनी सीएम चषकच्या विविध स्पर्धांमध्ये सहभाग घेतला. भारतीय जनता युवा मोर्चाचे प्रदेश अध्यक्ष, आमदार योगेश टिळेकर आणि मुंबई अध्यक्ष मोहित भारतीय यांच्या नेतृत्वात सीएम चषकच्या समारोपाची तयारी सुरू आहे. क्रिकेटचा राज्यस्तरीय अंतिम सामना अहमदनगरमध्ये २९ जानेवारी २०१९ रोजी सुरू झाली. सीएम चषकाच्या सांगता सोहळ्यात तीन फेब्रुवारीला युवा महासंगमचे आयोजन करण्यात आले आहे. यामध्ये राज्यातील सुमारे ३५ हजारांहून जास्त तरुण-तरुणी सहभागी होतील.

सीएम चषक स्पर्धेत क्रीडा आणि सांस्कृतिक अशा एकूण १२ स्पर्धांमध्ये गाव, गल्ली आणि सोसायट्यांसह प्रत्येक शाळा, कॉलेज आणि विधानसभा, तसेच जिल्हास्तरांवर आठ लाख दोन हजार ७१ सामने आयोजित केले. या स्पर्धा एकूण एक लाख ९१ हजार ९११ तासांपर्यंत चालल्या. प्रत्येक विधानसभा क्षेत्रात सरासरीने १५ हजार स्पर्धकांनी विविध स्पर्धांमध्ये भाग घेतला, ज्यात राज्यस्तरावर एकूण ३७ हजार स्पर्धक विजेते घोषित झाले. जिल्हास्तरावर पाच हजार स्पर्धक विविध स्पर्धामध्ये विजेते झाले. राज्यस्तरावर एकूण १२९ विजेते घोषित होतील. स्पर्धेच्या अंतिम समारोप सोहळ्यात महाराष्ट्र स्तरावरच्या विजेत्यांना २८ लाखांची पारितोषिके प्रदान केली जातील.

या विषयी युवा मोर्चाचे प्रदेश अध्यक्ष टिळेकर म्हणाले, ‘सीएम चषकमधील क्रिकेटचे राज्यस्तरीय अंतिम सामने २९ ते ३१ जानेवारीपर्यंत अहमदनगरमध्ये आणि कुस्तीचे राज्यस्तरीय सामने पुण्यात ३१ जानेवारीला होतील. व्हॉलीबॉल, खो-खो, कबड्डी, कॅरम, ऍथलेटिक्स, रांगोळी, पेंटिंग, गायन आणि नृत्य स्पर्धांचे अंतिम सामने दोन व तीन जानेवारीला मुंबईत होतील. या सर्व स्पर्धांच्या अंतिम फेरीतल्या सामन्यांसाठी मुंबई, अहमदनगर आणि पुण्यात सर्व तयारी पूर्ण झाली आहे. सांगता सोहळ्यात महाराष्ट्राच्या कानाकोपऱ्यातून सुमारे ३५ हजारांहून जास्त तरुण-तरुणी भाग घेण्यासाठी मुंबईत येतील.’
 
15 1 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search