Next
फॅशन शोद्वारे शिवकालीन संस्कृतीचे सादरीकरण
प्रेस रिलीज
Saturday, February 16, 2019 | 04:05 PM
15 0 0
Share this story



पुणे : ‘महाफॅशन फाउंडेशन आणि तष्ट यांच्या संयुक्त विद्यमाने १९ फेब्रुवारी २०१९ रोजी बाणेर येथील वृंदावन लॉन्स येथे सायंकाळी साडेसात वाजता ‘शिवजातस्य’ हा फॅशन शो आयोजित केला आहे. शिवजयंतीचे निमित्त साधून शिवाजी महाराजांच्या काळातील पोशाख, अलंकार, पगडी, तसेच इतर सामुग्री फॅशन शोच्या माध्यमातून लोकांपर्यंत पोहचविण्याचा प्रयत्न या कार्यक्रमामधून करण्यात येणार आहे,’ अशी माहिती आयोजक आणि तष्ट या संस्थेचे दीपक माने आणि महा फॅशन फाउंडेशनचे संस्थापक अध्यक्ष लक्ष्मीकांत गुंड यांनी पत्रकार परिषदेत दिली. या वेळी नितीन अगरवाल, क्रिएटिव्ह डिरेक्टर रवींद्र पवार उपस्थित होते.

या वेळी माने यांनी शिवकालीन संकल्पनेबाबतची आपली भूमिका स्पष्ट केली. ते म्हणाले, ‘आतापर्यंत फॅशन शोच्या माध्यमातून अनेक संकल्पनांवर आधारित विविध प्रांतांच्या  पोशाखांचे सादरीकरण करण्यात आले आहे; परंतु शिवकालीन साम्राज्यातील पेहेराव पहिल्यांदाच ‘शिवजातस्य’ या फॅशन शोमधून दाखवण्यात येणार आहे. गेल्या वर्षी लंडन फॅशन वीकमधे हा कार्यक्रम सादर केला गेला होता. या अनोख्या फॅशन शोची संकल्पना लक्ष्मीकांत गुंड यांची असून, पुण्यातील तष्ट संस्थेतर्फे अतिशय कल्पकतेने तयार केलेली वस्त्र प्रावरणे या कार्यक्रमाचे मुख्य आकर्षण ठरणार आहेत. फॅशन शोचे दिग्दर्शन प्रख्यात फॅशन शो कोरिओग्राफर सत्यजित जोगळेकर यांचे असणार आहे. हा कार्यक्रम सर्वांसाठी खुला असून, विनामूल्य आहे.’
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link