Next
सूक्ष्मातील भव्यता दर्शविणाऱ्या चित्रांचे प्रदर्शन
झेन वर्तन यांच्या चित्रकृती
BOI
Saturday, December 08, 2018 | 03:14 PM
15 0 0
Share this article:


पुणे : आंतरराष्ट्रीय ख्यातीचे नामवंत चित्रकार झेन वर्तन यांच्या सूक्ष्मातून भव्यतेचा शोध घेणाऱ्या चित्रांचे प्रदर्शन कोरेगाव पार्क येथील मोनालिसा कलाग्राममध्ये आयोजित करण्यात आले आहे. या प्रदर्शनात त्यांनी ‘सूक्ष्मातून भव्यतेचा-भव्यतेतून सूक्ष्माचा शोध’ या संकल्पनेवर आधारीत चित्रांमध्ये अंतर्मुख ध्यानाचा प्रवाह चित्रित केला आहे. 

अॅक्रेलिक व मिश्र- माध्यमे व कॅनव्हास यातून प्रचलित शैलींचा ते अनोखा परिणाम साधतात. करडे, तपकिरी असे भूमीच्या जवळचे रंग, त्यात कधी आश्चर्याचा अनुभव देणारे निळे, लाल रंगाचे अस्तित्व या सर्वांचा पोत व मिलाफ नजर खिळवून ठेवतो. प्रदर्शनात एक फूट बाय एक फूट आकारापासून नऊ फूट बाय नऊ फूट आकाराची चित्रे आहेत.

बडोदा विद्यापीठातून एम. ए. ची पदवी प्राप्त केलेल्या झेन वर्तन यांच्या वाचनात ओशोंचे ‘शून्य का दर्शन’ हे पुस्तक आले आणि त्यातून ध्यानाची प्रेरणा घेऊन, ते पुण्यास आले. पुढे झेन तत्वज्ञानाचा त्यांच्यावर प्रभाव पडला. गेली दोन दशके ते पुण्यात कार्यरत असून, अमूर्त शैलीतील चित्रे काढतात. जगभर त्यांच्या चित्रांची प्रदर्शने होत असतात. जगभर त्यांचे चाहते असून, अनेक कार्यालये, घरांच्या भिंती त्यांच्या चित्रांनी जिवंत झाल्या आहेत. 

कार्यक्रमाविषयी 
झेन वर्तन यांच्या अमूर्त चित्रांचे प्रदर्शन
स्थळ : मोनालिसा कलाग्राम, कोरेगाव पार्क, पुणे
दिवस : शनिवार, दि. आठ ते १३ डिसेंबर २०१८ 
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search