Next
‘गोगटे-जोगळेकर’च्या विज्ञान विभागाला ‘आयएसओ’
BOI
Wednesday, September 12 | 03:47 PM
15 0 0
Share this story

आयएसओ मानांकन दाखवताना शिल्पा पटवर्धन, अ‍ॅड. विजय साखळकर, डॉ. किशोर सुखटणकर आणि सतीश शेवडे, प्रा. विवेक भिडे.

रत्नागिरी : ‘गोगटे-जोगळेकर महाविद्यालयाच्या विज्ञान विभागाला आयएसओ मानांकन प्राप्त झाले आहे. मुंबई विद्यापीठच नव्हे, तर जागतिक स्पर्धेत टिकाव धरण्यासाठी गुणवत्ता शिक्षण येथे दिले जाते, हे सिद्ध करण्यासाठी या मानांकनाची गरज आहे. आगामी काळात ग्रंथालय आणि कार्यालयीन विभागांनाही हे मानांकन मिळण्यासाठी प्रयत्न आहे,’ अशी माहिती रत्नागिरी एज्युकेशन सोसायटीच्या कार्याध्यक्ष शिल्पा पटवर्धन यांनी पत्रकार परिषदेत दिली.

या वेळी कार्यवाह सतीश शेवडे, उपकार्याध्यक्ष अ‍ॅड. विजय साखळकर, आनंद देसाई, प्राचार्य डॉ. किशोर सुखटणकर, आयएओ प्रमाणपत्र समितीचे प्रमुख डॉ. पी. पी. कुलकर्णी, डॉ. राजीव सप्रे, उपप्राचार्य प्रा. विवेक भिडे उपस्थित होते.

पटवर्धन म्हणाल्या, ‘पुढील तीन वर्षांसाठी हे प्रमाणपत्र ग्राह्य राहणार असून, हे प्रमाणपत्र विज्ञान शाखेच्या पदवी व पदव्युत्तर विभागासाठी आहे. फेब्रुवारीमध्ये याची प्रक्रिया सुरू झाली. अर्ज भरणे, त्यानंतर प्राध्यापकांना प्रशिक्षण, ठराविक पद्धतीने माहिती व सूचनांद्वारे सुधारणा, मानांकनपूर्व तपासणी अशा टप्प्यांवर काम करण्यात आले. यासाठी सोलापूरच्या यश कन्सल्टन्सीच्या यशवंत पत्की व लिड ऑडिटर ओंकार पत्की यांचे मार्गदर्शन लाभले. आयएसओ समितीमध्ये १३ प्राध्यापक कार्यरत होते. विज्ञान शाखेतील सर्व प्राध्यापकांचे कामाचे यश, सहकार्य, एकता यामुळे हे प्रमाणपत्र मिळाले.’

‘आयएसओ ९००१’मध्ये नमुना, विकास, उत्पादन, उभारणी व सेवा याबद्दल गुणवत्तेची ग्वाही देण्यात येते. ‘क्यूएमएस ०८१८०२०२४७’ या क्रमांकांचे प्रमाणपत्र जीएमबीएच जर्मनीमधून मिळाले आहे. कोकणातील अग्रमानांकित असलेल्या गोगटे महाविद्यालयाला हा मान प्रथमच मिळाला आहे.

या वेळी बोलताना प्राचार्य डॉ. सुखटणकर म्हणाले, ‘गोगटे-जोगळेकर महाविद्यालय हे कोकणातील नामवंत महाविद्यालय आहे. येथे कोकण व पश्‍चिम महाराष्ट्रातूनही विद्यार्थी शिक्षणासाठी येतात. कॉलेजमध्ये दोन कँटीन असून, विद्यार्थी व विद्यार्थिनी वसतीगृह आहे. यातील वाया व उरलेल्या अन्नपदार्थांवर कंपोस्ट खत बनवणार असून, रेन वॉटर हार्वेस्टिंग, एलईडी बल्बचा वापर ही वाढवण्यात येणार आहे; तसेच रसायनशास्त्राच्या प्रयोगशाळेतून बाहेर पडणार्‍या रासायनिक पाण्यावर प्रक्रिया प्रकल्प राबवण्यात येणार आहे. प्राध्यापक जे वर्गात शिकवणार आहेत किंवा वेगळा प्रयोग करणार आहेत, त्याची माहिती व्हिडिओ स्वरूपात किंवा लेखी स्वरूपात कॉलेजच्या वेबसाइटवर अपलोड करावी, असे आवाहनही प्राध्यापकांना केले जाणार आहे. याचा फायदा विद्यार्थ्यांना मिळेल.’  

आयएसओ मानांकनामुळे भविष्यात विद्यार्थ्यांना आंतरराष्ट्रीय कंपन्यांतून विविध व्यवसाय, उद्योगाच्या संधी मिळतील; तसेच अन्य देशांतील अभ्यासक्रमाशी सामंजस्य करार करणे शक्य आहे. आयएसओ ही संस्था जिनीव्हा येथे स्थापन झाली. भारतासह १०० हून अधिक देश याचे सदस्य आहेत.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link