Next
‘फ्लो’च्या पुणे विभागाच्या अध्यक्षपदी संगीता ललवाणी
प्रेस रिलीज
Friday, May 11, 2018 | 05:59 PM
15 0 0
Share this article:

संगीता ललवाणी
पुणे : ‘फेडरेशन ऑफ इंडियन चेंबर ऑफ कॉमर्स अँड इंडस्ट्री’ची (फिक्की) महिला शाखा असलेल्या ‘फिक्की लेडीज ऑर्गनायझेशन’ अर्थात ‘फ्लो’ या संस्थेच्या पुणे विभागाच्या अध्यक्षपदी प्रसिद्ध उद्योजिका संगीता ललवाणी यांची निवड करण्यात आली आहे. नुकत्याच पार पडलेल्या ‘फ्लो’च्या बैठकीत हा निर्णय जाहीर करण्यात आला. संगीता ललवाणी यांनी संस्थेच्या मावळत्या अध्यक्षा वर्षा चोरडिया यांच्याकडून या पदाची सूत्रे स्वीकारली. 

संगीता ललवाणी या बांधकाम व सराफी क्षेत्रात कार्यरत असून, त्यांनी या आधी ‘फ्लो’च्या पुणे विभागाच्या वरिष्ठ उपाध्यक्षा आणि खजिनदार म्हणून काम सांभाळले आहे. संस्थेतर्फे आयोजित करण्यात येणाऱ्या ‘पुणे फ्लो हाफ मॅरेथॉन’च्या आयोजन समितीच्याही मागील तीन वर्षांपासून त्या प्रमुख आहेत. उद्योग आणि व्यवसायासाठी प्रोत्साहन देऊन महिलांचे सबलीकरण, आर्थिक सक्षमीकरण करण्याच्या उद्देशाने ‘फ्लो’ या संस्थेची १९८३ साली स्थापना करण्यात आली. या संस्थेत पाच हजारांपेक्षा अधिक  महिला उद्योजक, व्यावसायिक आणि कॉर्पोरेट एक्झिक्यूटिव्हजचा समावेश आहे. या संस्थेचे देशभरात एकूण १४ विभाग आहेत.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search