Next
सिंहगड लोणावळा संकुलमध्ये शिवजयंती उत्साहात
प्रेस रिलीज
Wednesday, February 20, 2019 | 05:18 PM
15 0 0
Share this story

कुसगाव : येथील सिंहगड लोणावळा संकुलामध्ये विद्यार्थी व शिक्षकांनी एकत्र येत शिवजयंती मोठ्या उत्साहात साजरी केली.

१८ फेब्रुवारी २०१९ रोजी सुमारे १५० विद्यार्थ्यांनी कोराईगडला जाऊन सिंहगडवरून आलेल्या मशालीस लोणावळ्यापर्यंत आणले. या वेळी संकुल संचालक डॉ. एम एस. गायकवाड यांनी छत्रपती शिवाजी महाराजांच्या पुतळ्याला पुष्पहार अर्पण केला. त्यानंतर मशाल घेऊन चालत सिंहगड संकुलामध्ये अम्फी थिएटरमधील शिवपुतळ्यास पुष्पहार अर्पण करून पूजाअर्चा केली.

सायंकाळी विद्यार्थ्यांनी शिवजयंतीनिमित्त मिरवणूक काढली. त्यानंतर आयोजित शिवजयंतीच्या मुख्य कार्यक्रमास प्रभाकर कोंढाळकर तथा आप्पा प्रमुख पाहुणे, तर प्रमुख व्याख्याते म्हणून आकाश पाटील (बारामती) हे उपस्थित होते. सुरुवातीस ढोल-ताशांच्या गजरात आसमंत दणाणून गेला. त्यानंतर विद्यार्थ्यांनी शिव-शंभू यांच्या कार्यकर्तृत्वासंबंधी थोडक्यात भाषणे केली.



आकाश पाटील यांनी महाराजांच्या कार्य कालावधीमध्ये शेतकऱ्यांच्या आत्महत्या नव्हत्या, असा उल्लेख करत पानशेत, कामशेत, पुनवडे धरणांचे काम केल्याचा दावा केला. दुष्काळासंबंधीची पूर्वतयारी म्हणून शेतसारा घेण्यास सुरुवात केली. त्यांनी शेतकऱ्यांच्या मुलांनी आपल्या आयुष्यामध्ये काय करावे व काय करू नये यासंबंधी मार्गदर्शन केले. त्यानंतर शिवराज्याभिषेक व शंभूराजांच्या विषयीची नाटिका विद्यार्थ्यांनी सादर केली. या कार्यक्रमास संकुलामधील सुमारे पाच हजार विद्यार्थ्यांसह प्राध्यापक व प्राचार्य उपस्थित होते.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link