Next
‘कँटोन्मेंट बोर्डमधील रस्ते नागरिकांसाठी तातडीने उघडणार’
प्रेस रिलीज
Tuesday, May 22, 2018 | 01:47 PM
15 0 0
Share this article:

पुणे : ‘विस्तृत आढाव्यानुसार पुणे शहराच्या हद्दीतील कँटोन्मेंट बोर्डमधील रस्ते नागरिकांसाठी तातडीने उघडणार असल्याचे संरक्षण मंत्री निर्मला सीतारामन यांनी मान्य केले असून, यापुढील काळात रस्तेसंबंधी सर्व स्थानिक प्रतिनिधी आणि संरक्षण मंत्रालयातील मार्गदर्शक तत्त्वांचा आधार घेऊन पुढील काळात रस्ते वापरासंबंधी कार्यवाही करण्याचेही निश्चित झाले आहे,’ अशी माहिती खासदार अनिल शिरोळे यांनी दिली.

पुणे शहराच्या हद्दीतील कँटोन्मेंट बोर्डातील रस्ते वापरावरील बंदीसंदर्भात नागरिकांच्या तीव्र भावना लक्षात घेऊन खासदार शिरोळे यांनी तत्कालीन संरक्षण मंत्री मनोहर पर्रीकर यांच्याकडे जून २०१६पासून सातत्याने पाठपुरावा केला होता. त्यानंतर देखील याचविषयी संरक्षण राज्यमंत्री सुभाष भामरे, केंद्रीय रस्ते वाहतूक मंत्री नितीन गडकरी यांच्याकडेही पाठपुरावा चालू होता; तसेच पर्रीकर, भामरे यांच्यासमवेत शिरोळे यांनी या रस्त्यांची प्रत्यक्ष पाहणी केली होती. याचसंदर्भात मध्यंतरी देशभरातील कँटोन्मेंट बोर्डाच्या विविध प्रश्नांसंबंधी केंद्रीय संरक्षण मंत्रालयातर्फे देशातील ६३ बोर्डांच्या लोकप्रतिनिधींबरोबर दिल्लीत केंद्रीय संरक्षण मंत्री निर्मला सीतारामन यांच्या अध्यक्षतेखाली चार मे २०१८ रोजी बैठक घेण्यात आली होती.

या बैठकीत पुणे शहरातील कँटोन्मेंट बोर्डांच्या विविध प्रश्नांसंबंधी खासदार शिरोळेंनी पुणे कँटोन्मेंट बोर्डाच्या उपाध्यक्षा प्रियांका श्रीगिरी आणि देहूरोड बोर्डाचे अभय सावंत यांच्यासमवेत दिल्लीत केंद्रीय संरक्षण मंत्री निर्मला सीताराम यांची भेट घेऊन बोर्डांच्यासंबंधी विविध प्रश्नांवर चर्चा देखील केली होती. या बैठकीनंतर संरक्षण मंत्रालयातील प्रशासकीय पातळीवर या समस्यांचे निराकरण करण्यासाठी पुढील टप्प्यात प्रयत्न करण्यात येणार असल्याची माहिती खासदार शिरोळेंनी भेटीनंतर बोलताना दिली होती.

त्यानुसार झालेल्या विस्तृत आढाव्यानुसार कँटोन्मेंट बोर्डमधील रस्ते नागरिकांसाठी तातडीने उघडणार असल्याचे संरक्षण मंत्री निर्मला सीतारामन यांनी मान्य केले असून, यापुढील काळात रस्तेसंबंधी सर्व स्थानिक प्रतिनिधी आणि संरक्षण मंत्रालयाल मार्गदर्शक तत्त्वांचा आधार घेऊन पुढील काळात रस्ते वापरासंबंधी कार्यवाही करण्याचेही निश्चित झाल्याचे खासदार शिरोळे यांनी सांगितले; तसेच मागील दोन वर्षांहून अधिक काळ घेतलेल्या पाठपुराव्याला यश आल्याबद्दल शिरोळेंनी समाधानही व्यक्त केले आहे.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search