Next
ठाणे जिल्हा कलाध्यापक संघातर्फे कृतीसत्राचे आयोजन
विदुर चौधरी जिल्हास्तरीय कलातपस्वी पुरस्काराने सन्मानित
मिलिंद जाधव
Friday, December 28, 2018 | 11:17 AM
15 0 0
Share this article:

कोकण विभाग पदवीधर मतदारसंघाचे आमदार निरंजन डावखरे यांच्या हस्ते पुरस्कार स्वीकारताना कलाशिक्षक विदुर चौधरी आणि कुटुंबीय.

ठाणे : जिल्हा कलाध्यापक संघ व जिल्हा परिषदेचा माध्यमिक शिक्षण विभाग यांच्या संयुक्त विद्यमाने येथील  मो. ह. विद्यालयात जिल्हास्तरीय कलाशिक्षक कृतीसत्र नुकतेच उत्साहात झाले. यात कलाध्यापक संघाकडून ग्रामीण भागातून दिला जाणारा जिल्हास्तरीय कलातपस्वी पुरस्कार कलाशिक्षक विदुर बच्चू चौधरी यांना कोकण विभाग पदवीधर मतदारसंघाचे आमदार निरंजन डावखरे यांच्या हस्ते प्रदान करण्यात आला.

हा पुरस्कार शहरी व ग्रामीण अशा दोन भागात दिला जातो. चौधरी हे सामाजिक, शैक्षणिक व पर्यावरणविषयक उपक्रमात सहभागी होत असून, ते उत्तम सूत्रसंचालक आहेत. अनेक कार्यक्रमांचे सूत्रसंचालन त्यांनी केले आहे. साहित्य व कलाक्षेत्रात त्यांना आतापर्यंत वीस पुरस्कार मिळाले आहेत. ९० व्या अखिल भारतीय मराठी साहित्य संमेलनात त्यांना निमंत्रित कवी म्हणून सन्मान मिळाला होता.

चित्रकार, कवी, सूत्रसंचालक, हार्मोनिअम वादक, तसेच एक संवेदनशील माणूस म्हणून त्यांची जिल्ह्यात ओळख आहे. या कृतीसत्राचे सूत्रसंचालनही चौधरी यांनी केले. या वेळी विद्यासेवक पतपेढी अध्यक्ष सुधीर घागस, मो. ह. विद्यालयाचे प्राचार्य राजेंद्र राजपूत, भास्कर तिखे, ठाणे जिल्हा कलाध्यापक संघाचे अध्यक्ष दिगंबर बेंडाळे, विलास सेसाने यांच्यासह अन्य मान्यवर उपस्थित होते.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search