Next
रोटरी क्लबतर्फे २५ शिक्षकांचा सत्कार
BOI
Monday, September 30, 2019 | 04:05 PM
15 0 0
Share this article:



नाशिक :
नाशिक रोड परिसरातील शाळांमधील २५ आदर्श शिक्षकांना ‘रोटरी क्लब ऑफ नाशिक रोड’तर्फे नेशन बिल्डर्स अॅवॉर्ड देऊन सत्कार करण्यात आला.

या वेळी रोटरीचे अस्टिटंट गव्हर्नर कैलास क्षत्रिय, अध्यक्षा डॉ. रोचना शर्मा, उपाध्यक्ष अमित गांगुर्डे, सचिव स्नेहल गांगुर्डे, फिरदोस कपाडिया, हेमंत शिधये, सौमित्र दास, दिनेश शिंदे, मीनल येवलेकर, व्हिनस वाणी, प्रशांत बिसोई, फिरदोस कपाडिया, बाळकृष्ण साहू, अर्चना बिसोई, फरदीन कपाडिया, समिना साहू, ज्योत्स्ना शिधये आदींची प्रमुख उपस्थिती होती.

डॉ. रोचना शर्मा यांनी रोटरीच्या उपक्रमांची माहिती दिली. दिनेश शिंदे यांनी सामाजिक उपक्रमांचे महत्त्व सांगितले. कैलास क्षत्रिय यांच्या हस्ते शिक्षकांचा सत्कार झाला. समाजाच्या जडणघडणीत शिक्षकांचे योगदान लक्षणीय असल्याचे त्यांनी नमूद केले. सत्काराच्या भेटवस्तू इव्हा मुखर्जी यांनी प्रायोजित केल्या होत्या.

या वेळी इंटरॅक्ट क्लबची स्थापना करण्यात आली. रोटरी क्लबशी संलग्न असलेला हा क्लब १२ ते १८ वयोगटातील मुलांसाठी आहे. या क्लबसाठी मोहदरीच्या बेव्हज इंग्लिश स्कूलची निवड करण्यात आली. विद्यार्थिदशेपासून नेतृत्वगुण विकसित करून विद्यार्थ्यांमध्ये समाजसेवेची आवड निर्माण करणे हा क्लबचा उद्देश आहे.

इंटरॅक्ट क्लबचे अध्यक्ष म्हणून रोहित आव्हाड, तर सचिव म्हणून संचिका पटेल यांची निवड झाली. समन्वयक म्हणून शाळेतर्फे सुनीता मधारू, तसेच रोटरी क्लबतर्फे सनिता वर्मा काम बघणार आहेत. 

कार्यक्रमावेळी ज्ञानेश शर्मा यांनी स्वागतगीत म्हटले. कुणाल शर्मा यांनी परिचय करून दिला. 
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search