रत्नागिरी : महाराष्ट्र राज्य परीक्षा परिषदेतर्फे फेब्रुवारी २०१८मध्ये घेण्यात आलेल्या शिष्यवृत्ती परीक्षेत रत्नागिरी नगर परिषदेची शाळा क्रमांक १५ अर्थात दामले विद्यालयाच्या तब्बल आठ विद्यार्थ्यांनी उज्ज्वल यश संपादन केले आहे. नगर परिषदेच्या शाळाही गुणवत्तापूर्ण शिक्षणामध्ये पुढे असल्याचे त्यामुळे पुन्हा एकदा सिद्ध झाले आहे. दामले विद्यालयातून यंदा पूर्व उच्च प्राथमिक शिष्यवृत्ती परीक्षेसाठी २५ विद्यार्थी बसले. त्यापैकी २१ विद्यार्थी पात्र झाले. त्यापैकी आठ विद्यार्थी जिल्हा गुणवत्ता यादीत चमकले आहेत. या विद्यार्थ्यांना श्रद्धा गांगण व योगेश कदम या शिक्षकांनी मार्गदर्शन केले.