Next
गणपती देखाव्यातून साकारली ‘महाराष्ट्राची लोकधारा’
सांगवीतील तरुणाचा प्रेरणादायी उपक्रम
BOI
Wednesday, September 19, 2018 | 05:45 PM
15 0 0
Share this article:


पुणे : आधुनिकतेच्या काळात आपल्या राज्याची पारंपरिक संस्कृती आजच्या तरुणांपर्यंत पोहोचणे तसे अवघडच. याची जाणीव ठेवून सांगवी भागात राहणाऱ्या जवळेकर कुटुंबियांनी समाजप्रबोधनासाठी घरगुती गणपतीच्या देखाव्यातून महाराष्ट्राची लोकधारा साकारली आहे.

लोकनृत्य, लावणी, वासुदेव, जागरण-गोंधळ, कोळी समाज, धनगर समाज, शेतकरी, शिवशाहीर अशी चित्रे या देखाव्याच्या माध्यमातून जिवंत करण्यात आली आहेत. जवळेकर कुटुंबातील अभिषेक जवळेकर या तरुणाने तब्बल दीड महिना मेहनत करून हा देखावा उभा केला आहे. यासाठी त्याने कापडाच्या २६ बाहुल्या बनवल्या आहेत. त्यापैकी २१ पेक्षा अधिक बाहुल्या या हलत्या देखाव्याचे दर्शन घडवतात.  

महाराष्ट्राची संस्कृती, परंपरा आजच्या मुलांना समजावी या उद्देशाने आपल्या मुलाने हा विषय मांडावा असा अभिषेकच्या आईचा आग्रह होता. गेल्या कित्येक वर्षांपासून सामाजिक विषय घेऊन घरगुती बाप्पापुढे देखावा सादर करण्याची जवळेकर कुटुंबाची परंपरा राहिली आहे. यांत आता महाराष्ट्राची संस्कृती साकारून अभिषेकने आणखी एक पाऊल पूढे टाकले आहे.  

पुढच्या पिढीला काही वर्षांनी या पारंपरिक लोकधारा केवळ पुस्तकात पाहायला मिळतील, अशी सध्या स्थिती आहे. त्यामुळे जवळेकर कुटुंबाने गणेशोत्सवाच्या माध्यमातून पारंपरिक लोकधारा रुजवण्याचा केलेला हा प्रयत्न नक्कीच कौतुकास्पद आहे. या देखाव्याची चर्चा परिसरात सर्वत्र होत आहे.

(देखाव्याचा आणि आभिषेकची प्रतिक्रिया असलेला व्हिडिओ सोबत देत आहोत.)

 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search