Next
मॉरिशसमध्येही अण्णा भाऊ साठे यांची जयंती साजरी
BOI
Friday, August 02, 2019 | 11:26 AM
15 0 0
Share this article:

मॉरिशस : मॉरिशसमध्ये यंदा प्रथमच लोकशाहीर अण्णा भाऊ साठे यांची जयंती साजरी करण्यात आली. 

यानिमित्त फुले-शाहू-आंबेडकर विचार प्रसार संमेलन आणि मॉरिशसमधील मराठी भाषिक संघाच्या वतीने एका विशेष कार्यक्रमाचे आयोजन करण्यात आले होते. या वेळी ज्येष्ठ साहित्यिक उत्तम कांबळे, डॉ. नागनाथ कोत्तापल्ले उपस्थित होते.

उत्तम कांबळे
‘अण्णा भाऊ साठे हे फुले-शाहू-आंबेडकर यांच्याप्रमाणेच इतिहासाचे एक चकाकणारे पान आहे. त्यांनी देवाच्या मालकीचे जग हे माणसाच्या मालकीचे केलं, ही त्यांच्या विचारांची मोठी ताकद आहे’, असे प्रतिपादन अखिल भारतीय मराठी साहित्य संमेलनाचे माजी अध्यक्ष उत्तम कांबळे यांनी केले.  


नागनाथ कोत्तापल्ले‘अण्णा भाऊंना नीट समजून घेऊन कृती करण्याची आज गरज आहे,’ असे मत डॉक्टर नागनाथ कोत्तापल्ले यांनी व्यक्त केले. 

कार्यक्रमाच्या सुरुवातीला नाशिकच्या स्वप्ना थोरात यांनी ‘बुद्ध कबीर भीमराव फुले’ हे गीत सादर केले, तर प्रा. डॉक्टर निशा भंडारे यांनी ‘माझी मैना गावाकडं राहिली...’ या अण्णा भाऊंच्या छक्कडवर सादरीकरण केले. 

कार्यक्रमाचा समारोप सावित्रीबाई फुले पुणे विद्यापीठाच्या मराठी विभागातील प्रा. डॉ. मनोहर जाधव यांनी केला. कार्यक्रमाचे सूत्रसंचालन डॉ. संदीप कांबळे यांनी केले. या वेळी साठपेक्षा जास्त अभ्यासक उपस्थित होते
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.
COMMENTS
BDGramopadhye About 12 Days ago
More the people know about him , the better . Best wishes .
0
0

Select Language
Share Link
 
Search