Next
मुख्यमंत्र्यांची विविध मंडळांच्या गणपती दर्शनाला हजेरी
BOI
Saturday, September 07, 2019 | 12:05 PM
15 0 0
Share this article:

मानाचा पहिला कसबा गणपतीचे दर्शन घेताना मुख्यमंत्री देवेंद्र फडणवीस

पुणे : मुख्यमंत्री देवेंद्र फडणवीस यांनी शुक्रवारी, सहा सप्टेंबर रोजी पुण्यातील मानाच्या पाच, तसेच अन्य काही गणपती मंडळांना भेट देऊन गणरायाचे दर्शन घेतले आणि सर्वांच्या सुखासमाधानासाठी प्रार्थना केली. 

मुख्यमंत्री देवेंद्र फडणवीस यांनी सर्वप्रथम मानाचा पहिला कसबा गणपतीचे दर्शन घेतले आणि आरती केली. मंडळाचे अध्यक्ष श्रीकांत शेटे यांनी मुख्यमंत्री यांचे स्वागत केले. 

दगडुशेठ हलवाई सार्वजनिक गणेशोत्सव मंडळाच्या गणपतीचे दर्शन घेताना मुख्यमंत्री

त्यानंतर दगडुशेठ हलवाई सार्वजनिक गणेशोत्सव मंडळाच्या गणपतीचे दर्शन घेतले. मंडळाचे अध्यक्ष अशोक गोडसे व उत्सव प्रमुख हेमंत रासने यांनी त्यांचे स्वागत केले. या वेळी दि विश्वेश्वर सहकारी बँकेतर्फे मुख्यमंत्री सहायता निधीस पाच लाख रुपयांचा धनादेश देण्यात आला.

मानाचा तिसरा गणपती गुरुजी तालीम सार्वजनिक गणेशोत्सव मंडळाच्या गणपतीचे दर्शन घेताना मुख्यमंत्री

यानंतर त्यांनी मानाचा तिसरा गणपती गुरुजी तालीम सार्वजनिक गणेशोत्सव मंडळाच्या गणपतीचे दर्शन घेतले. या वेळी अध्यक्ष प्रवीण परदेशी यांनी त्यांचे स्वागत केले. मंडळाच्या आणि सिध्देश्वर ट्रस्टच्या वतीने मुख्यमंत्री सहायता निधीस प्रत्येकी ५१ हजार रुपयांचा धनादेश देण्यात आला. यानंतर फडणवीस यांनी मानाचा चौथा गणपती तुळशीबाग सार्वजनिक गणेशोत्सव मंडळ व मानाचा दुसरा गणपती तांबडी जोगेश्वरी सार्वजनिक गणेशोत्सव मंडळाच्या गणपतीचे दर्शन घेतले. मुख्यमंत्री फडणवीस यांनी मानाचा पाचवा गणपती केसरीवाडा सार्वजनिक गणेशोत्सव मंडळाच्या गणपतीचे दर्शन घेऊन आरती केली. या वेळी महापौर मुक्ता टिळक व दैनिक केसरीचे संपादक दिपक टिळक यांनी त्यांचे स्वागत केले. या वेळी मुख्यमंत्री सहायता निधीस जनता सहकारी बँकेकडून २१ लाख रुपयांचा धनादेश, तसेच उद्यम विकास बँक आणि चरणजीत सहाणी यांच्यातर्फे धनादेश देण्यात आला.

मुख्यमंत्री देवेंद्र फडणवीस यांनी साने गुरुजी तरुण मंडळ येथील गणपतीचे दर्शन घेतले. या वेळी मंडळाचे अध्यक्ष धीरज घाटे यांनी त्यांचे स्वागत केले.

यानंतर फडणवीस यांनी साने गुरुजी तरुण मंडळ येथील गणपतीचे दर्शन घेतले आणि मंडळामार्फत उभारण्यात आलेल्या देखाव्याचे उद्घाटन केले. या वेळी मंडळाचे अध्यक्ष धीरज घाटे यांनी त्यांचे स्वागत केले. 

मुख्यमंत्री देवेंद्र फडणवीस यांनी कोथरुडमधील श्री साई मित्र मंडळाच्या गणपतीचे दर्शन घेतले. मंडळाचे अध्यक्ष मुरलीधर मोहोळ यांनी त्यांचे स्वागत केले.

यानंतर मुख्यमंत्र्यांनी कोथरुड येथील श्री साई मित्र मंडळ यांच्यावतीने उभारण्यात आलेल्या श्री विठ्ठल रुक्मीणी मंदिराच्या प्रतिकृतीचे उद्घाटन केले; तसेच गणपतीचे दर्शन घेऊन आरती केली. या वेळी मंडळाचे अध्यक्ष मुरलीधर मोहोळ यांनी त्यांचे स्वागत केले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search