Next
‘मौनांतर’ मूकनाट्य स्पर्धेत ‘बी अ मॅन’ प्रथम
प्रेस रिलीज
Wednesday, July 11 | 01:01 PM
15 0 0
Share this story

‘ओह शिट’ एकांकिकेतील एक क्षण

पुणे : यावर्षी घेण्यात आलेल्या ‘मौनांतर’ या मूकनाट्य स्पर्धेत पुण्याच्या केसर प्रॉडक्शन्सची ‘बी अ मॅन’ एकांकिकेने पहिल्या क्रमांकावर नाव कोरले. पुण्याच्याच अण्णासाहेब मगर महाविद्यालयाच्या ‘ओह शिट’ने दुसरा, तर डोंबिवलीच्या अॅबस्ट्रॅक्ट आर्टच्या ‘सीड ऑफ आर्ट’ एकांकिकेने तिसरा क्रमांक पटकावला.

‘बी अ मॅन’ या एकांकिका सादर करताना कलाकारपुण्यातील जी. एच. रायसोनीच्या ‘राम नाम सत्य है’ला उत्तेजनार्थ पारितोषिक मिळाले. वैयक्तिक पारितोषिके १५ जुलै रोजी आयोजित करण्यात आलेल्या बक्षीस समारंभादरम्यान जाहीर करण्यात येतील.

पुण्यातील पहिली मुकनाट्य स्पर्धा म्हणून ओखल्या जाणाऱ्या ‘मौनांतर’ या स्पर्धेचे यंदा पाचवे वर्ष आहे. यावर्षीची स्पर्धा पुणे व मुंबई अशा दोन ठिकाणी घेण्यात आली होती. सहा जुलै रोजी मुंबईतील रवींद्र नाट्य मंदिर, मिनी दादर येथे, तर सात व आठ जुलैला भरत नाट्यमंदिर येथे घेण्यात आली. यावर्षी एकूण २७ संघ सहभागी होते. पुण्यात एकूण २० संघ, तर मुंबईत एकूण सात संघ सहभागी झाले. स्पर्धेत यंदा पुणे, पिंपरी, चिंचवड, मुंबई, नवी मुंबई तसेच नाशिकमधील नामवंत संस्था, कॉलेज सहभागी होते.

‘सीड ऑफ आर्ट’मधील एक क्षणप्रसाद वनारसे आणि गिरीश परदेशी या स्पर्धेला परीक्षक म्हणून लाभले होते. स्पर्धेसाठी बुलडाणा अर्बन, सुनील चांदुरकर व गंगोत्री ग्रीनबिल्ड यांचे मोलाचे योगदान लाभले.

बक्षीस समारंभाविषयी :
दिवस :
रविवार, १५ जुलै २०१८
वेळ : सायंकाळी पाच ते आठ
स्थळ : भरतनाट्य मंदिर, पुणे.
 
15 0 0
Share this story

Post Your Comment
मराठी English
Your Name *
Email
  Notify me once my comment is published
Comment *
Content limited to 1000 characters,1000 characters remaining.

Select Language
Share Link