Next
डॉ. श्रीपाल सबनीस यांच्या सत्काराचे आयोजन
प्रेस रिलीज
Monday, December 17, 2018 | 05:10 PM
15 0 0
Share this article:

पुणे : राष्ट्रीय बंधुता साहित्य परिषद व काषाय प्रकाशन यांच्या संयुक्त विद्यमाने २०व्या राष्ट्रीय बंधुता साहित्य संमेलनाचे नियोजित अध्यक्ष व ज्येष्ठ समीक्षक डॉ. श्रीपाल सबनीस यांच्या जाहीर सत्काराचे आयोजन केले आहे. हा कार्यक्रम २० डिसेंबर २०१८ रोजी सकाळी १०.३० वाजता टिळक रस्त्यावरील महाराष्ट्र साहित्य परिषदेच्या माधवराव पटवर्धन सभागृहात होईल.

या कार्यक्रमासाठी प्रमुख पाहुणे म्हणून ज्येष्ठ नेते उल्हासदादा पवार, भोसरी येथील भगवान महावीर शिक्षण संस्थेचे संस्थापक अध्यक्ष डॉ. अशोककुमार पगारिया, संमेलनाचे स्वागताध्यक्ष प्रकाश जवळकर उपस्थित राहणार आहेत. कार्यक्रमाच्या अध्यक्षस्थानी राष्ट्रीय बंधुता साहित्य परिषदचे संस्थापक अध्यक्ष बंधुताचार्य प्रकाश रोकडे असतील.

‘डॉ. सबनीस यांच्या सत्कार सोहळ्याबरोबरच प्रबोधनयात्री कविसंमेलन आयोजित करण्यात आले आहे. यामध्ये मुंबईचे दीप पारधे, संदीप कांबळे, दौंडचे बबन धुमाळ, ठाण्याचे विजय जाधव, अमरावतीचे गुलाब फुलमाळी, पुण्याचे डॉ. भीम गायकवाड, संतोष हुले, पिंपरीचे शंकर आथरे व सांगवीच्या मधुश्री ओव्हाळ हे कवी आणि कवयित्री सहभागी होणार आहेत,’ अशी माहिती काषाय प्रकाशनचे संचालक व कवी चंद्रकांत वानखेडे यांनी दिली.

कार्यक्रमाविषयी :
दिवस :
गुरुवार, २० डिसेंबर २०१८
वेळ : सकाळी १०.३० वाजता
स्थळ : माधवराव पटवर्धन सभागृह, महाराष्ट्र साहित्य परिषद, टिळक रस्ता, पुणे.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search