Next
‘पीसीईआरएफ’ पुरस्कारासाठी अर्ज करण्याचे आवाहन
BOI
Tuesday, June 25, 2019 | 12:07 PM
15 0 0
Share this article:

पुणे : बांधकाम क्षेत्रात सुरक्षेच्या दृष्टीने उत्तम काम करणाऱ्या संस्थांना देण्यात येणाऱ्या ‘पीसीईआरएफ-कुमार बेहरे कन्स्ट्रक्शन सेफ्टी अॅवॉर्ड २०२०’ साठी अर्ज मागविण्यात आले आहेत. ‘पीसीईआरएफ’ अर्थात पुणे कन्स्ट्रक्शन इंजिनीअरिंग रिसर्च फाउंडेशनच्या वतीने हा पुरस्कार देण्यात येतो. या पुरस्कारासाठी अर्ज पाठविण्याची अंतिम मुदत १० ऑगस्ट २०१९ पर्यंत आहे.

बांधकाम क्षेत्रात सुरक्षा योजना वाढाव्यात व त्याला प्रोत्साहन मिळावे. बांधकाम क्षेत्रात सुरक्षिततेच्या दृष्टीने एक सुदृढ स्पर्धा निर्माण व्हावी या उद्देशाने पुणे कन्स्ट्रक्शन इंजिनीअरिंग रिसर्च फाउंडेशनने हा सुरक्षा पुरस्कार सुरू केला आहे. पुरस्काराचे हे सातवे वर्ष आहे. विकसक, कंत्राटदार, बांधकाम संस्था व कंपन्याही या पुरस्कारासाठी अर्ज करू शकतात. या क्षेत्रातील सुरक्षा अधिकारी, अभियंते, वास्तूविशारद आदि तज्ज्ञ व्यावसायिकांचा पुरस्कारासाठीच्या निवड प्रक्रियेत सहभाग असतो. हे तज्ज्ञ स्वेच्छेने या पडताळणी प्रक्रियेसाठी वेळ देतात.

या प्रक्रियेच्या पहिल्या टप्प्यात सहभागी संस्थांना बांधकामाच्या ठिकाणी अपेक्षित असलेल्या सुरक्षिततेबाबत मार्गदर्शन केले जाते. यानंतर दोन टप्प्यांमध्ये पाहणी केली जाते. त्यात एकदा पूर्वकल्पना न देता पाहणी केली जाते. केवळ उत्तम बांधकाम साईटला पुरस्कृत करणे इतकेच या पुरस्काराचे उद्दिष्ट नसून, बांधकाम क्षेत्रातील दर्जेदार निर्मितीमूल्यांना प्रोत्साहन देणे व गरज भासेल तिथे सुधारणा सुचवणे, हा त्याचा हेतू आहे.

या पुरस्कारासाठी रहिवासी, औद्योगिक, व्यावसायिक / उपव्यावसायिक प्रकल्प, पायाभूत सुविधा प्रकल्प, नव्या कंपन्यांना प्रोत्साहन देण्यासाठी नवीन कंपन्यांच्या बांधकाम साईट्स, बांधकाम क्षेत्रातील सुरक्षेसंदर्भातील नवकल्पना आणि प्रकल्प खर्च ५० लाखांपर्यंत असलेले लहान प्रकल्प असे सात विभाग करण्यात आले आहेत. या विभागांतर्गत इच्छुकांनी अर्ज पाठवायचे आहेत.

अधिक माहितीसाठी :  (०२०) २५४४७३६५, ९८२३५ ०८५७६                     
                                 pcerfpune@gmail.com  
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search