Next
‘गृहनिर्माण संस्थांचे प्रश्न सोडविण्यासाठी प्रयत्नशील’
प्रेस रिलीज
Tuesday, September 04, 2018 | 11:28 AM
15 0 0
Share this article:

पुणे : ‘सहकारी तत्त्वावर स्थापन झालेल्या गृहनिर्माण सोसायट्यांना विविध प्रश्नांत मार्गदर्शन करण्याचे पुणे जिल्हा सहकारी गृहनिर्माण संस्था महासंघाचे महत्त्वपूर्ण  आहे, त्यामुळे जीएसटीपासून केंद्र सरकारशी संबंधित प्रश्न सोडविण्यासाठी प्रयत्नशील राहू,’ असे प्रतिपादन खासदार वंदना चव्हाण यांनी केले.

तीन सप्टेंबरला सकाळी खासदार चव्हाण यांनी पुणे जिल्हा सहकारी गृहनिर्माण संस्था महासंघाच्या नारायण पेठ येथील कार्यालयाला भेट दिली. या वेळी त्यांनी गृहनिर्माण सहकारी संस्थांचे प्रश्न समजावून घेतले आणि पदाधिकाऱ्यांशी चर्चा करून सर्वतोपरी सहकार्याचे आश्वासन दिले. गृहनिर्माण संस्थांच्या सभासदांचे प्रशिक्षण, जनजागृती, पर्यावरण रक्षण यासाठी एकत्रित प्रयत्नांबाबत या वेळी चर्चा झाली; तसेच गृहनिर्माण संस्थांच्या प्रश्नांसंदर्भात राष्ट्रीय चर्चासत्र ऑक्टोबरमध्ये घेण्याबाबत चर्चा करण्यात आली.

‘सहकारी गृहनिर्माण संस्थांच्या सभासदांनी जमा केलेल्या देखभाल खर्चावर जीएसटीमध्ये सवलत मिळावी, यासाठी दिल्लीत प्रयत्न करू,’ असे खासदार चव्हाण यांनी सांगितले.

या वेळी महासंघाचे अध्यक्ष सुहास पटवर्धन, मनिषा कोष्टी, गृहनिर्माण महासंघाचे संचालक मंडळ उपस्थित होते.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search