Next
‘बँक ऑफ इंडिया’ने जाहीर केला विशेष व्याजदर
प्रेस रिलीज
Tuesday, May 08 | 05:18 PM
15 0 0
Share this story

मुंबई : बँक ऑफ इंडियाने (बीओआय) चांगला सिबिल स्कोअर असलेल्या ग्राहकांना ३० लाख रुपये वा त्याहून अधिक रकमेच्या गृहकर्जावर विशेष व्याजदर देण्याचे जाहीर केले आहे.

या निर्णयानुसार, ७६०व त्याहून अधिक स्कोअर असलेल्या ग्राहकांना बँक मिनिमम होम लोन इंटरेस्ट रेटनुसार (एमसीएलआर) व्याजदर आकारणार आहे. ‘एमसीएलआर’ म्हणजे किमान व्याजदर, ज्यापेक्षा कमी दराने बँक कर्जे देऊ शकत नाही. ग्राहकाचा सिबिल स्कोअर म्हणजे क्रेडीट इन्फर्मेशन रिपोर्टचा (सीआयआर) तीन आकडी सारांश असतो. त्यामध्ये पूर्वीचे क्रेडीटविषयक वर्तन व परतफेडीची पार्श्वभूमी यांचा सारांश असतो आणि ही आकडेवारी ३०० ते ९०० या दरम्यान असते. हा स्कोअर जितका अधिक असतो तितकी कर्ज मंजूर होण्याची शक्यता अधिक असते. बहुतेक बँका कर्ज मंजूर करण्यापूर्वी ग्राहकाचा सिबिल स्कोअर व रिपोर्ट तपासतात.

‘बँक ऑफ इंडिया’ने नमूद केले, ‘आम्ही ग्राहकांना दर्जेदार व नाविन्यपूर्ण उत्पादने व सेवा देण्यासाठी सतत प्रयत्नशील असतो व त्यामुळे ग्राहकांना गरज असेल तेव्हा कर्जसुविधा मिळण्यासाठी मदत होते. चांगला क्रेडीट स्कोअर राखण्याची शिस्त पाळणाऱ्या ग्राहकांना बक्षीस द्यायला हवे. यामुळे आर्थिक पार्श्वभूमी चांगली राखण्याची गरज व महत्त्व यामुळे अधोरेखित होईल. चांगला क्रेडीट स्कोअर असलेल्या गृहकर्ज अर्जदारांना चांगला व्याजदर देऊन बक्षीस देण्याचे आमचे उद्दिष्ट आहे व यामुळे त्यांचे घर खरेदी करण्याचे स्वप्न प्रत्यक्षात येईल.’
 
15 0 0
Share this story

Post Your Comment
मराठी English
Your Name *
Email
  Notify me once my comment is published
Comment *
Content limited to 1000 characters,1000 characters remaining.

Select Language
Share Link