Next
ऑन्को लाइफ कॅन्सर सेंटरला ‘इंडियन अचिव्हर्स’ पुरस्कार
प्रेस रिलीज
Friday, January 25, 2019 | 11:54 AM
15 0 0
Share this story



सातारा : आरोग्य क्षेत्रात अतिशय कमी कालावधीत अद्ययावत उपचारपद्धतींसह ‘एनएबीएच’ मानांकन प्राप्त करून रुग्णांना अधिकाधिक उत्तम आरोग्य सुविधा पुरविणाऱ्या ऑन्को लाइफ कॅन्सर सेंटरला बंगलोर येथे झालेल्या कार्यक्रमामध्ये महाराष्ट्रातील सर्वोत्तम कॅन्सर हॉस्पिटल म्हणून ‘इंडियन अचिव्हर्स’ पुरस्काराने सन्मानित करण्यात आले. प्रसिद्ध सिने अभिनेत्री दिया मिर्झा यांच्या हस्ते रुग्णालयाचे संस्थापक व व्यवस्थापकीय संचालक उदय देशमुख यांना मानचिन्ह व प्रशस्तीपत्रक देऊन गौरविण्यात आले. या वेळी सोबत रुग्णालयाचे वरिष्ठ ऑन्को सर्जन डॉ. मनोज लोखंडेही उपस्थित होते.

सातारा येथील ऑन्को लाइफ कॅन्सर सेंटर या सुपर स्पेशालिटी कॅन्सर हॉस्पिटलची स्थापना तीन वर्षांपूर्वी ५२ बेडच्या रुग्ण क्षमतेसह रेडीएशन, शस्त्रक्रिया तसेच सर्व प्रकारच्या कॅन्सरच्या निदानासाठी लागणाऱ्या तपासण्या अशा स्वरूपात झाली. या तीन वर्षांच्या कालावधीत हॉस्पिटलने अनेक आव्हानात्मक रुग्णांना सर्वोत्तम उपचार देऊन रुग्णांमध्ये एक विश्वास निर्माण केला आहे व या विश्वासाच्या बळावरच हॉस्पिटलने तब्बल सात हजारांहून अधिक रुग्णांना सेवा पुरविली असून, पेट सिटी स्कॅनसारखी अद्ययावत उपचार पद्धती उपलब्ध करून देणारे पश्चिम महाराष्ट्रातील हे पहिलेच हॉस्पिटल आहे. अनेक सामाजिक उपक्रमांद्वारे कर्करोगाबाबत अधिकाधिक जनजागृतीसाठी हॉस्पिटल अधिक प्रयत्नशील असून, हल्लीच रुग्णांना सर्वोत्तम सेवा देण्यासाठी आवश्यक असलेले एनएबीएच मानाकंनसुद्धा मिळविले आहे. हॉस्पिटलमधील स्वच्छता ही आंतरराष्ट्रीय दर्जाच्या हॉस्पिटलच्या बरोबरीचीच आहे.

या शिवाय हॉस्पिटलकडून मोठ्या प्रमाणात कॅन्सर प्रतिबंधात्मक शिबिरे राबवली जात असून, यामधून संशयास्पद रुग्णांचे मोफत समुपदेशन केले जाते व या तपासणीत रुग्णात जर कॅन्सरची लक्षणे आढळून आली, तर त्वरीत इलाज सुरू केला जातो, त्यामुळे रुग्णांना पूर्णपणे बरे होण्यास या कार्यक्रमांचा खूपच उपयोग होताना दिसत आहे.

याशिवाय कॅन्सरविरोधी साक्षरता कार्यक्रमांच्या माध्यमातून देखील हॉस्पिटलच्या डॉ. संगीता पाटील या कॅन्सरची कारणे व लक्षणे याबद्दल अतिशय कळकळीने सांगत असतात. तसेच हॉस्पिटलमध्ये सर्व प्रकारच्या कॅन्सरवरील निदान व त्यावरील सर्व प्रकारचे उपचार होत असून, या ठिकाणी रेडिएशनसाठी असणारी मशीन, पेट-सिटी व इतर सर्व मशिन्स या आजघडीला जगातील सर्वांत अत्याधुनिक मशीनपैकी एक आहेत. याशिवाय सुसज्ज ऑपरेशन थिएटर, प्रशस्त ‘डे केअर वॉर्ड’ ही हॉस्पिटलची वैशिष्ट्येच म्हणावी लागतील.

हे सर्व उपचार महात्मा फुले जनआरोग्य योजनेअंतर्गत मोफत होत असून, गरज पडल्यास रुग्णाला मुख्यमंत्री सहाय्यता निधीतून पैसे आणण्यासाठी सुद्धा हॉस्पिटल मार्गदर्शन करते. याशिवाय याठिकाणी सर्व प्रकारच्या विमा योजना, कॅशलेस सुविधा उपलब्ध असून, हॉस्पिटलला तीन पूर्णवेळ समुपदेशक आहेत.

‘महाराष्ट्रातील बेस्ट कॅन्सर हॉस्पिटल’ म्हणून पुरस्कार मिळवण्यामागच्या यशाचे हेच गमक असल्याचे सांगत देशमुख म्हणाले, ‘हा रुग्णांनी ऑन्को लाइफ कॅन्सर सेंटरवर दाखविलेला विश्वास असून, या यशात आमचे तज्ञ डॉक्टर्स, नर्सेस व रुग्णालयाचे सर्व कर्मचारी यांचे मोलाचे योगदान आहे. हा पुरस्कार रुग्णालयाचे नाव महाराष्ट्रातील सर्वोत्तम कॅन्सर हॉस्पिटलचा बहुमान मिळवून देणाऱ्या प्रत्येकाचा असून, या मुळे आमची रुग्णांप्रती असलेली जबाबदारी अधिकच वाढली आहे. त्यासाठी आम्ही कटीबद्ध आहोत. या पुरस्काराने सातारासारख्या शहरातही आरोग्य क्रांती होत असल्याचे हे द्योतक आहे.’
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link