Next
‘राज्यात सोलापूर जिल्ह्याची विशेष छाप’
पुण्यात आयोजित ‘सोलापूर फेस्ट’मध्ये मुख्यमंत्र्यांचे प्रतिपादन
प्रेस रिलीज
Saturday, November 17 | 03:01 PM
15 0 0
Share this story



पुणे : ‘राज्यात अनेक जिल्ह्यांपैकी सोलापूर शहर, जिल्हा अनेक वैशिष्ट्यांनी नटलेला आहे. खास करून सोलापूरची खाद्य संस्कृती माझ्यासारख्या माणसाला आवडते. सोलापूरचे वस्त्रोद्योग जगभर प्रसिद्ध आहेत. मी प्रत्यक्ष सोलापूर पाहिले असून, सोलापूरची अनेक वैशिष्ट्ये पाहता यातून सोलापूरची श्रीमंती दिसून येते. म्हणून राज्यात सोलापूर जिल्ह्याची आपली अशी विशेष छाप आहे,’ असे मत मुख्यमंत्री देवेंद्र फडणवीस यांनी व्यक्त केले.

सोलापूर जिल्ह्यातील वस्तूंना जिल्ह्याबाहेर बाजारपेठ उपलब्ध होण्यासाठी सोलापूर सोशल फाउंडेशनतर्फे पुण्यातील पंडित फार्म्स येथे आयोजित केलेल्या ‘सोलापूर फेस्ट २०१८’चे उद्घाटन करण्यात आले. या वेळी ‘श्रीमंती सोलापूरची’ या कॉफी टेबल बुकचे प्रकाशन फडणवीस यांच्या हस्ते करण्यात आले. त्यावेळी ते बोलत होते. महाराष्ट्राचे  सहकार, पणन व वस्त्रोद्योगमंत्री सुभाष देशमुख, सोलापूरच्या महापौर शोभा बनशेट्टी, गुरुबाबा महाराज औसेकर, सोलापूर जिल्हा परिषदेचे अध्यक्ष संजय शिंदे तथा सोलापूर सोशल फाउंडेशनचे संचालक अभिजित पाटील, पूर्वा वाघमारे, सल्लागार प्रा. देवानंद चिलवंत, नरेंद्र काटिकर, उद्योजक प्रमोद साठे यांच्या उपस्थितीत कार्यक्रमाचे उद्घाटन करण्यात आले.  

‘सोलापूर फेस्ट’च्या माध्यमातून पुण्यातील नागरिकांना सोलापुरी उत्पादनांची खरेदी करता येणार आहे, तसेच अस्सल सोलापुरी चवीच्या खाद्यपदार्थांचा आस्वादही घेता येणार आहे. प्रदर्शनाच्या तीनही दिवशी विविध सांस्कृतिक कार्यक्रमांचे आयोजनही करण्यात आले आहे. ‘सोलापूर फेस्ट’मध्ये १०० दालने असून, सोलापूरची चादर, शेंगा चटणीपासून महिला बचत गटाच्या अनेक वस्तू, रेडिमेड कपडे, सेंद्रिय उत्पादने यांसह चित्रकारांच्या कला दालनांचा समावेश आहे.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link