Next
शिवाजी विद्यापीठाला रॅली सादरीकरणासाठी फिरता चषक
प्रेस रिलीज
Thursday, June 13, 2019 | 04:27 PM
15 0 0
Share this article:

कोल्हापूर : नांदेडच्या स्वामी रामानंद तीर्थ मराठवाडा विद्यापीठात झालेल्या ‘आव्हान २०१९’ या राज्यस्तरीय आपत्ती व्यवस्थापन प्रशिक्षण शिबिरामध्ये शिवाजी विद्यापीठाच्या संघाने उत्कृष्ट रॅली सादरीकरणासाठी फिरता चषक पटकावला आहे.

विजयी संघाचे विद्यापीठात आगमन झाल्यानंतर प्र-कुलगुरू डॉ. डी. टी. शिर्के, कुलसचिव डॉ. विलास नांदवडेकर, वित्त व लेखाधिकारी व्ही. टी. पाटील यांनी त्यांचे स्वागत करून अभिनंदन केले.

राजभवन कार्यालय, महाराष्ट्र राज्य आणि राष्ट्रीय सेवा योजना, उच्च व तंत्र शिक्षण विभाग, मंत्रालय, मुंबई यांच्या सयुंक्त विद्यमाने तीन ते १२ जून २०१९ या कालावधीत स्वामी रामानंद तीर्थ मराठवाडा विद्यापीठात ‘आव्हान २०१९’ राज्यस्तरीय आपत्ती व्यवस्थापन प्रशिक्षण शिबिराचे आयोजन करण्यात आले होते. यात राज्यातील २१ विद्यापीठांतील एकूण एक हजार २३७ शिबिरार्थी सहभागी झाले. शिवाजी विद्यापीठाकडून कोल्हापूर, सांगली व सातारा जिल्ह्यांमधून प्रत्येकी ३० (२० मुले व १० मुली) शिबिरार्थी आणि प्रत्येक जिल्ह्याकडून प्रत्येकी एक पुरुष आणि एक महिला संघव्यवस्थापक सहभागी झाले होते. 

शिबिरात राष्ट्रीय आपत्ती निवारण दल (एनडीआरएफ) आणि तज्ज्ञ मार्गदर्शकांनी आपत्कालीन परिस्थितीत बचावकार्यासाठी, तसेच आपत्तीची तीव्रता कमी करण्याच्या दृष्टीने आवश्यक प्रशिक्षण, मार्गदर्शन, प्रात्यक्षिक आणि सराव प्रशिक्षण दिले. ज्यात प्रामुख्याने, वैद्यकीय, तसेच प्रत्यक्ष कृती यांचा समावेश होता. शिवाजी विद्यापीठ संघाने शिबिरात उत्कृष्ट सहभाग नोंदविला आणि उत्कृष्ट रॅली सादरीकरणाचा फिरता चषकही पटकावला.

संघाला विद्यापीठाचे कुलगुरू डॉ. देवानंद शिंदे, प्र-कुलगुरू डॉ. शिर्के, कुलसचिव डॉ. नांदवडेकर, वित्त व लेखाधिकारी पाटील यांच्यासह राष्ट्रीय सेवा योजना समन्वयक डॉ. डी. के. गायकवाड यांचे मार्गदर्शन लाभले. शिबिरातील यशस्वी सहभागासाठी विद्यापीठ प्रशासनाच्या मार्गदर्शनाखाली सुजित मुंढे, संग्राम मोरे, संघ व्यवस्थापक प्रा. संगीता पाटील, प्रा. संजीवनी पाटील, प्रा. जयमाला उथळे, प्रा. महेंद्र वाघमारे, प्रा. टी. के. बदामे, प्रा. दिगंबर नागर्थवार यांनी परिश्रम घेतले.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search