Next
‘दी इंडियन इन्स्टिट्यूट ऑफ आर्किटेक्ट्स’तर्फे मार्गदर्शन शिबिर
प्रेस रिलीज
Tuesday, March 26, 2019 | 01:59 PM
15 0 0
Share this article:

पुणे : ‘आर्किटेक्ट पात्रता परीक्षेत झालेले बदल, आर्किटेक्ट क्षेत्रात येणाऱ्या विद्यार्थ्यांनी कशा प्रकारे ‘नाटा’ (एनएटीए) परीक्षांची तयारी करावी आदी गोष्टींची माहिती देण्यासाठी ‘दी इंडियन इन्स्टिट्यूट ऑफ आर्किटेक्ट्स’तर्फे एकदिवसीय मोफत शिबिराचे आयोजन करण्यात आले आहे,’ अशी माहिती इन्स्टिट्यूटच्या पुणे शाखेच्या अध्यक्षा जयश्री देशपांडे यांनी दिली.

हे शिबिर ३१ मार्च २०१९ रोजी सकाळी १० ते रात्री आठ या वेळेत कर्वेनगर येथील मजेंटा लॉन्स (राजाराम पुलाजवळ) येथे होणार आहे. या विषयी अधिक माहिती देताना शिबिराच्या संयोजिका रश्मी कुलकर्णी म्हणाल्या, ‘शासनातर्फे नुकतेच पात्रता परीक्षेसाठीच्या नियमात मोठ्या प्रमाणात बदल करण्यात आले आहेत. हे बदल नक्की काय आहेत हे विद्यार्थ्यांना पोचविणे आवश्यक आहे. पूर्वी ‘नाटा’ परीक्षेसाठी बारावीतील कोणत्याही शाखेचा विद्यार्थी गणित विषय घेतल्यास या परीक्षेसाठी पात्र ठरत असे; मात्र आता केवळ विज्ञान शाखांचे विद्यार्थ्यीच या परीक्षेसाठी पात्र ठरणार आहेत.’

‘बदलेल्या नियमांबाबत विद्यार्थ्यांमध्ये जनजागृती करणे हा या शिबिराचा मुख्य हेतू आहे. यासाठी आर्किटेक्टच्या परीक्षांची तयारी कशी करावी या विषयावर सध्या कार्यरत असणारे प्रा. रणजीत घोगले, प्रकाश देशमुख, मृणालिनी साने व राधिका वैद्य हे या मार्गदर्शन शिबिरात विद्यार्थ्यांना मार्गदर्शन करणार आहेत. त्यामुळे या शिबिराला मोठ्या संख्येने विद्यार्थ्यांनी उपस्थित राहावे,’ असे आवाहन रश्मी कुलकर्णी व जयश्री देशपांडे यांनी केले आहे.

शिबिराविषयी :
दिवस :
रविवार, ३१ मार्च २०१९ रोजी
वेळ : सकाळी १० ते रात्री आठ
स्थळ : मजेंटा लॉन्स, राजाराम पुलाजवळ, कर्वेनगर, पुणे.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search