Next
शरद पवार आठ जुलैला चिपळुणात
तिवरे दुर्घटनास्थळी जाऊन तेथील ग्रामस्थांशी चर्चा करणार
प्रेस रिलीज
Saturday, July 06, 2019 | 06:08 PM
15 0 0
Share this article:

मुंबई : राष्ट्रवादी काँग्रेसचे राष्ट्रीय अध्यक्ष शरद पवार हे चिपळूण तालुक्यातील तिवरे धरणाच्या दुर्घटनास्थळाला आठ जुलै रोजी भेट देणार असून, या भेटीत ते तेथील ग्रामस्थांशी चर्चा करणार आहेत.

दोन जुलैला रात्री तिवरे येथील धरण फुटल्याने २३ जण वाहून गेली असून, त्यातील १९ जणांचे मृतदेह सापडले आहेत. अद्यापही काही जण बेपत्ता आहेत. धरण फुटीनंतर संबंधित अधिकारी व शिवसेना आमदार सदानंद चव्हाण यांच्यावर कारवाई करण्याची मागणी सर्वच स्तरातून करण्यात आली होती. या पार्श्वभूमीवर शरद पवार आठ जुलै रोजी दुपारी १२ वाजता तिवरे धरणाची पाहणी करून मृतांच्या नातेवाईकांची भेट घेणार आहेत.

पवार हे सात सात आणि आठ जुलै रोजी पुणे, सातारा आणि रत्नागिरी जिल्ह्याच्या दौर्‍यावर असून, पुणे येथील साखर कारखान्याच्या सेमीनारला उपस्थित राहणार आहेत. त्यानंतर रत्नागिरी जिल्ह्यातील चिपळूण तालुक्यातील तिवरे गावाला भेट देणार आहेत. त्यानंतर संध्याकाळी सातारा येथील रयत शिक्षण संस्थेच्या बैठकीला उपस्थित राहणार आहेत.
 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search