Next
‘अभि चॅरिटेबल’तर्फे रक्तदान, अवयवदान जागृती शिबीर
BOI
Tuesday, February 26, 2019 | 03:45 PM
15 0 0
Share this story

पुलवामा हल्ल्यातील शहीदांना अभिवादन करताना मेधा कुलकर्णी, डॉ. जितेंद्र जोशी, दीपाली गडकरी आदी.

पुणे : सामाजिक जाणिवेतून कार्यरत असलेल्या अभि चॅरिटेबल फाउंडेशनतर्फे रक्तदान व अवयवदान जागृती शिबिराचे नुकतेच आयोजन करण्यात आले होते. बाणेर येथील अभि ग्रुप उद्योग समूहाचे अध्यक्ष व व्यवस्थापकीय संचालक डॉ. जितेंद्र जोशी यांच्या वाढदिवसानिमित्त हे शिबीर घेण्यात आले. पुलवामा येथील शहीद जवानांना श्रद्धांजली अर्पण करून शिबिराची सुरुवात झाली. या शिबिराचे उद्घाटन आमदार मेधा कुलकर्णी यांच्या हस्ते झाले. 

अभि चॅरिटेबल फाउंडेशनतर्फे आयोजित रक्तदान, अवयवदान शिबिराचे उद्घाटन करताना मेधाताई कुलकर्णी, डॉ. जितेंद्र जोशी, दीपाली गडकरी, सत्यजित कराड आदी.

‘तरुणांनी समाजासाठी व देशसेवेसाठी पुढाकार घेऊन एकत्रित यायला हवे,’ अशी भावना मेधा कुलकर्णी यांनी व्यक्त केली. 

या शिबिरात ७५ पेक्षा अधिक जणांनी रक्तदान केले. वाय. सी. एम. पिंपरी-चिंचवड ब्लड बँकच्या मदतीने रक्तदान शिबीर घेण्यात आले. ‘रक्तदानाबरोबरच अवयवदानही महत्वाचे आहे. एका व्यक्तीच्या अवयवदानाने इतर सात व्यक्तींचे जीव वाचू शकतात. त्यामुळे अवयवदानाबाबत असलेले गैरसमज काढून टाकावेत व अवयवदानाचे महत्व तळागाळापर्यंत पटवून देण्याचे काम व्हावे,’ अशी भावना डॉ. जितेंद्र जोशी यांनी व्यक्त केली. 

अभि चॅरिटेबल फाउंडेशनतर्फे आयोजित रक्तदान, अवयवदान शिबिरात बोलताना डॉ. जितेंद्र जोशी, तेजपाल सिंह, दीपाली गडकरी आदी.

अवयवदानाचे महत्व पटवून देण्यासाठी तेजपाल सिंग यांनी मार्गदर्शन केले. या शिबिरास कंपनीचे पदाधिकारी, कर्मचारी व या भागातील नागरिक मोठ्या संख्येने उपस्थित होते.

रक्तदात्यांशी संवाद साधताना डॉ. जितेंद्र जोशी.
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link