Next
लोणावळा आंतरराष्ट्रीय चित्रपट महोत्सवाचे आयोजन
प्रेस रिलीज
Tuesday, August 28 | 04:24 PM
15 0 0
Share this story

पुणे : ‘तिसरा लोणावळा आंतरराष्ट्रीय चित्रपट महोत्सव सात ते नऊ सप्टेंबर दरम्यान लोणावळा येथील ‘ट्रीओसे प्लाझा’ येथे आयोजित करण्यात आला आहे. अल्ट्रा मिडिया आणि एन्टरटेनमेंट प्रायव्हेट लिमिटेडचे व्यवस्थापकीय संचालक सुशीलकुमार अगरवाल हे या महोत्सवाचे मुख्य प्रायोजक असून, माधव तोडी हे या महोत्सवाचे संचालक आणि विवेक वासवानी हे या महोत्सवाचे प्रमुख आहेत. १८ चित्रपट, दोन कुशल चित्रपट निर्मात्यांच्या चर्चासत्रासह तीन कार्यशाळा ही या महोत्सवाची मुख्य वैशिष्ट्ये आहेत’, अशी माहिती आयोजकांच्या वतीने देण्यात आली. 

‘भारतीय चित्रपटसृष्टीत बहुमोल योगदान देणारे प्रथितयश दिग्दर्शक बिमल रॉय यांना श्रद्धांजली अर्पण करण्यासाठी त्यांच्या सुजाता, बंदिनी, मधुमती आदी सहा चित्रपटांचे आणि त्यांच्यावरील लघुपटाचे सादरीकरण होणार आहे. मराठीतील न्यूड, कच्चा लिंबू, डॉ. रखमाबाई  हे चित्रपट दाखविण्यात येणार असून, दिग्दर्शक अनंत महादेवन यांच्याशी त्यांचे लक्षणीय चित्रपट ‘लाईफ इज गुड’ आणि ‘डॉ. रखमाबाई’ यांवर संवादात्मक चर्चा होणार आहे. दिग्दर्शक आणि निर्माते विवेक वासवानी प्रसारमाध्यमातील विद्यार्थ्यांसाठी कार्यशाळा घेणार आहेत. खास लोकाग्रहास्तव ‘रफ बुक’ हा त्यांचा चित्रपट या वेळी पुन्हा दाखविण्यात येणार असून, ‘इव्हिनिंग शॅडोज’, ‘द जीनियस-रामानुजन’ आणि ‘द स्टोलन प्रिन्सेस’ हे चित्रपटही दाखविण्यात येतील. महोत्सवाची नांदी म्हणून बिमल रॉय यांच्या चित्रपटाची पोस्टर्स, छायाचित्रे,  स्मृतिचिन्हे आणि वस्तूंचे प्रदर्शन एक  सप्टेंबरपासून ‘ट्रीओसे प्लाझा’ येथे सुरु होणार आहे. त्यांच्या कन्येने त्यांच्यावर लिहिलेली आणि संपादन केलेली पुस्तकेही  येथे सवलतीच्या किंमतीत विक्रीस उपलब्ध असणार आहेत’, असेही आयोजकांनी सांगितले. 
 
15 0 0
Share this story

Post Your Comment
मराठी English
Your Name *
Email
 
Notify me once my comment is published
Comment *
Content limited to 1000 characters,1000 characters remaining.

Select Language
Share Link