Next
सामाजिक बांधिलकी जपून साजरी केली दिवाळी
मिलिंद जाधव
Tuesday, November 13, 2018 | 12:37 PM
15 0 0
Share this article:

मुंबई : मुंबईतील गुरुनानक महाविद्यालयाच्या राज्यशास्त्र विभागाने सामाजिक जाण राखणारी दिवाळी साजरी केली. त्यांनी शांतिवन येथील वृद्ध व कुष्ठरोगग्रस्त व्यक्तींबरोबर दिवाळी साजरी केली. 

प्राचार्य डॉ. विजय दाभोलकर यांच्या मार्गदर्शनाखाली प्राध्यापक सुमित खरात यांनी या दिवाळी कार्यक्रमाचे आयोजन केले होते. या निमित्ताने विद्यार्थ्यांनी वृद्ध व कुष्ठरोगग्रस्त व्यक्तींसोबत संवाद साधला. त्यांना दिवाळी फराळ व भेटवस्तूंचे वाटप केले. आपल्या घरापासून दूर असणारे आजी, आजोबा कसे राहतात, याविषयी विद्यार्थ्यांनी माहिती घेतली 

‘विद्यार्थ्यांनी मनोरंजनात्मक कार्यक्रम सादर केले. आपण सामाजाचे देणे लागतो. त्यासाठी युवकांनी पुढाकार घेतला पाहिजे. म्हणून राज्यशास्त्राच्या विद्यार्थ्यांना आम्ही दर वर्षी या ठिकाणी दिवाळी साजरी करण्यासाठी घेऊन येतो. जेणेकरून सामाजिक बांधिलकी जपण्यासाठी मदत होईल. गुरुनानक महाविद्यालयाचा राज्यशास्त्र विभाग नेहमीच प्रात्यक्षिकांवर भर देत विविध विषय  शिकवतो. सामाजिक बांधिलकी ही संकल्पना समजण्यासाठी असे कार्यक्रम उपयोगी पडतात. गेली पाच वर्षे राज्यशास्त्राचे विद्यार्थी वृद्धाश्रम व कुष्ठरोगग्रस्त व्यक्तींना आपल्या रिकाम्या वेळात भेट देतात व मदत करतात. विद्यार्थी या कार्यक्रमात उत्स्फूर्तपणे सहभागी होतात,’ असे  प्राध्यापक सुमित खरात यांनी सागितले.

या वेळी धनाजी शिंदे यांनी प्रथमोपचार किट, आफरीन शेख यांनी दिवाळीची मिठाई व आलिशा स्वामी हिने दुपारचे जेवण आपल्या बचत केलेल्या पैशांतून देऊन दिवाळी साजरी केली. 

 
15 0 0
Share this article:

Post Your Comment
मराठी English
Your Name *
Email (Optional)
 
Notify me once my comment is published
Comment * Note: Comment will be published after review.
Content limited to 1000 characters,1000 characters remaining.

Select Language
Share Link
 
Search